கொரோனா தொற்று பாதிப்பால் பிரபல கால்பந்தாட்ட வீரர் உயிரிழப்பு.!

by மணிகண்டன்Posted on April 18, 2020

இங்கிலாந்து நாட்டை சேர்ந்த 76 வயதான முன்னாள் கால்பந்தாட்ட வீரர் நார்மன் ஹன்டர் கொரோனா பாதிப்பால் சிகிச்சை பலனின்றி உயிரிழந்தார்

உலகை அச்சுறுத்தி வரும் கொரோனா வைரஸ் உலகம் முழுக்க லட்சக்கணக்கான மக்களின் உயிரை பறித்துள்ளது. இதுவரை 1.5 லட்சத்திற்கும் அதிகமானோர் கொரோனாவிற்கு பலியாகியுள்ளனர்.

இந்நிலையில் இங்கிலாந்து நாட்டை சேர்ந்த 76 வயதான முன்னாள் கால்பந்தாட்ட வீரர் நார்மன் ஹன்டர் கொரோனா பாதிப்பால் சிகிச்சை பலனின்றி உயிரிழந்தார். இவர் 1966-ம் ஆண்டு நடைபெற்ற உலக கோப்பை கால்பந்தாட்ட போட்டியில் விளையாடி இருந்தார். அப்போது இங்கிலாந்து அணி உலக்கோப்பை போட்டியில் வெற்றி வாகை சூடியிருந்தது.

இங்கிலாந்து அணிக்காக 28 ஆட்டங்களில் விளையாடியுள்ளார். மேலும், லீட்ஸ் யுனைடெட் கிளப் அணிக்காகவும் 14 ஆண்டுகள் விளையாடி உள்ளார் என்பது குறிப்பிடத்தக்கது.