FIFA WorldCup2022: காலிறுதிப்போட்டிகள் இன்று தொடக்கம்! முதல் போட்டியில் பிரேசில்-குரோஷியா பலப்பரிட்சை.!

ஃபிஃபா உலகக்கோப்பையில் இன்று காலிறுதிப்போட்டிகள் தொடங்குகின்றன.

கத்தாரில் நடந்துவரும் ஃபிஃபா கால்பந்து உலகக்கோப்பையில் 16 அணிகள் மோதும் சுற்று நிறைவடைந்து, காலிறுதிப்போட்டிகள் இன்று தொடங்குகின்றன. 32 அணிகளுடன் 8 பிரிவுகளாக தொடங்கிய இந்த உலகக்கோப்பை தொடர் முக்கியமான கட்டத்தை நெருங்கியுள்ளது.

16 அணிகள் சுற்றிலிருந்து காலிறுதிப்போட்டிக்குள் 8 அணிகள் தகுதி பெற்றுள்ளன. பிரான்ஸ், போர்ச்சுகல், இங்கிலாந்து, அர்ஜென்டினா, பிரேசில், குரோஷியா, மொரோக்கோ, மற்றும் நெதர்லாந்து அணிகள் காலிறுதிக்கு முன்னேறியுள்ளன.

இன்று நடைபெறும் முதல் காலிறுதியில் பிரேசில் மற்றும் குரோஷியா அணிகள் இரவு 8:30 மணிக்கு எஜூகேஷனல் சிட்டி ஸ்டேடியத்தில் மோதுகின்றன. இரண்டாவது போட்டியில் பெரிதும் எதிர்பார்க்கப்படும் மெஸ்ஸியின் அர்ஜென்டினா மற்றும் நெதர்லாந்து அணிகள் நாளை அதிகாலை 12:30 மணிக்கு லுஸைல் ஸ்டேடியத்தில் மோதுகின்றன.