தந்தை மருத்துவமனையில் கவலைக்கிடம் .! பயிற்சியிலிருந்து விலகிய பென் ஸ்டோக்ஸ்.!

• பென் ஸ்டோக்ஸின் தந்தை கெட் கடுமையான நோயால் பாதிக்கப்பட்டு திங்கள் கிழமை ஜோகன்னஸ்பர்க்கில் மருத்துவமனையில் அனுமதிக்கப்பட்டார்.
• சூப்பர்ஸ்போர்ட் பூங்காவில் இங்கிலாந்தின் பயிற்சியில் இருக்க மாட்டார் என அறிவித்தது.

இங்கிலாந்து அணியின் ஆல்ரவுண்டர் பென் ஸ்டோக்ஸ் சமீபகாலமாக தன்னுடைய அணிக்காக பல சாதனைகளை படைத்து வருகிறார். உலக கோப்பை தொடரில் நியூசிலாந்து அணிக்கு எதிரான இறுதிப் போட்டியில் 84 ரன்கள் எடுத்து அணியை வெற்றி பெறச் செய்தார்.

அதேபோல ஆஷஸ் தொடரின் மூன்றாவது டெஸ்டிலும் 135 ரன்கள் அடித்து ஆஸ்திரேலிய அணியை வீழ்த்துவதற்கு மிகவும் உதவியாக இருந்தார். இதன் காரணமாக சமீபத்தில் இங்கிலாந்தின் நாயகன் என்ற விருது கொடுக்கப்பட்டது.

இந்நிலையில் பென் ஸ்டோக்ஸ் தந்தை கெட்டை மருத்துவமனையில் அனுமதிக்கப்பட்டிருந்த நிலையில் அவரது உடல்நிலை மோசமாக வருவதால் பென் ஸ்டோக்ஸ்  பயிற்சியிலிருந்து விலகியதாக  இங்கிலாந்து கிரிக்கெட் வாரியம் செய்தி வெளியிட்டுள்ளது.

இங்கிலாந்து கிரிக்கெட் வாரியம் நேற்று  வெளியிட்ட  செய்தியில் , பென் ஸ்டோக்ஸின் தந்தை கெட் கடுமையான நோயால் பாதிக்கப்பட்டு திங்கள் கிழமை ஜோகன்னஸ்பர்க்கில் மருத்துவமனையில் அனுமதிக்கப்பட்டார். அவர் ஆபத்தான நிலையில் இருக்கிறார்.

இதனால் இன்று பிற்பகல் சூப்பர்ஸ்போர்ட் பூங்காவில் இங்கிலாந்து அணி பங்கேற்கும்  பயிற்சியில் பென் ஸ்டோக்ஸ்  கலந்து கொள்ள மாட்டார் என இங்கிலாந்து கிரிக்கெட் வாரியம் கூறியது. தற்போது இங்கிலாந்து அணி தென்னாபிரிக்காவில் சுற்று பயணம் செய்து நாளை முதல் டெஸ்ட் போட்டியில் விளையாட உள்ளார் என்பது குறிப்பிடத்தக்கது.