கேப்டனாக இந்த சாதனையை படைப்பாரா ஸ்மித்…!
ராஜஸ்தான் அணியின் கேப்டன் ஸ்டீவ் ஸ்மித் இன்று டெல்லி அணிக்கு எதிராக நடக்கும் போட்டியில் 74 ரன்கள் குவித்தால் ஐபிஎல் போட்டிகளில் கேப்டனாக அவர் அடித்த ரங்களின் எண்ணிக்கை 1,000 ஆகிவிடும்.
ராஜஸ்தான் ராயல்ஸ் அணியின் கேப்டன் ஸ்டீவ் ஸ்மித் இதுவரை 86 ஐபிஎல் போட்டிகள் விளையாடி 2155 ரன்கள் அடித்துள்ளார். இதில் 193 பவுண்டரிகளும் 55 சிக்ஸர்களும் அடித்துள்ளார். மேலும் இந்த சீசன் ஐபிஎல் தொடரில் 5 போட்டிகள் விளையாடி நிலையில், 133 ரன்கள் மட்டுமே அடித்துள்ளார். கேப்டனாக மட்டுமே அவர் 926 ரன்கள் அடித்துள்ளார்.
இந்த நிலையில் இன்று இந்த வருட ஐபிஎல் தொடரின் 23 வது லீக் போட்டி ஷார்ஜா மைதானத்தில் நடைபெறவுள்ளது. இந்த போட்டியில் ராஜஸ்தான் ராயல்ஸ் – டெல்லி கேப்பிட்டல்ஸ் அணிகள் மோதுகிறது. இந்த போட்டியில் வெற்றி பெற்று புள்ளி பட்டியலில் முதலிடத்திற்கு செல்லும் நோக்கத்துடன் இரண்டு அணியை சேர்ந்த வீரர்களும் கடின பயிற்சியில் ஈடுபட்டு வருகின்றனர்.
மேலும் இன்று டெல்லி அணிக்கு எதிராக நடக்கும் இந்த போட்டியில் ராஜஸ்தான் ராயல்ஸ் அணியின் கேப்டன் ஸ்டீவ் ஸ்மித் 74 ரன்கள் குவித்தால் ஐபிஎல் போட்டிகளில் கேப்டனாக அவர் அடித்த ரங்களின் எண்ணிக்கை 1,000 ஆகிவிடும். இந்த சாதனையை ஸ்டீவ் ஸ்மித் செய்வாரா என்று பொறுத்திருந்து பார்ப்போம்.
