நேருக்கு நேரை சமன் செய்யுமா டெல்லி ? குஜராத்துடன் இன்று பலப்பரீட்சை !!

ஐபிஎல் 2024 : ஐபிஎல் தொடரின் இன்றைய போட்டியில் குஜராத் அணியும், டெல்லி அணியும் மோதுகிறது.

இன்று நடைபெற இருக்கும் ஐபிஎல் போட்டியில் இரவு ஆட்டத்தில் குஜராத் டைட்டன்ஸ் அணியும், டெல்லி கேபிட்டல்ஸ் அணியும் அஹமதாபாத்தில் உள்ள நரேந்திர மோடி மைதானத்தில் வைத்து மோதுகிறது. இந்த போட்டியில் இது வரை இரண்டு வெற்றிகளை மட்டுமே பெற்று 9-தாவது இடத்தில் இருக்கும் டெல்லி அணி புள்ளிப்பட்டியலில் 6-வதாக இருக்கும் குஜராத் அணியை எதிர்கொள்கிறது.

மேலும், இந்த் தொடரில் இதுவரை சிறப்பாக விளையாடி கொண்டிருக்கும் டெல்லி அணியின் கேப்டன் ஆன ரிஷப் பண்ட் இந்த போட்டியிலும் ஆக்ரோஷமாக விளையாட வேண்டும் என்று டெல்லி அணியின் ரசிகர்கள் மிகுந்த எதிர்பார்ப்பில் இருந்து வருகின்றனர். அதே நேரம் குஜராத் அணியின் கேப்டன் ஆன கில்லும் மிகசிறந்த ஆட்டத்தையே இந்த தொடரில் வெளிப்படுத்தி வருகிறார்.

இதனால் இந்த போட்டி விறுவிறுப்பாக அமையும் என்பதில் சந்தேகம் இல்லை. அதே நேரம் அஹமதாபாத் மைதானத்தில் ரன்ஸ் மழைக்கும் பஞ்சம் இருக்காது எனவும் ரசிகர்களால் எதிர்ப்பார்க்கப்படுகிறது.

நேருக்கு நேர்

இந்த இரு அணிகளும் தலா 3 முறை நேருக்கு நேர் மோதியுள்ளனர். அகில் 2 முறை குஜராத் டைட்டன்ஸ் அணியும், 1 முறை டெல்லி கேபிட்டல்ஸ் அணியும் வெற்றி பெற்றுள்ளது. இதை சமன் செய்ய டெல்லி அணி வீரர்கள் கடுமையாக போட்டி இடுவார்கள் என்று எதிர்ப்பார்க்கலாம்.

எதிர்ப்பார்க்கப்படும் வீரர்கள்

குஜராத் அணி வீரர்கள் :

ஷுப்மன் கில் (கேப்டன்), சாய் சுதர்சன், விஜய் சங்கர், அபினவ் மனோகர், மேத்யூ வேட் (விக்கெட் கீப்பர்), ராகுல் தெவாடியா, ரஷித் கான், உமேஷ் யாதவ், ஸ்பென்சர் ஜான்சன், நூர் அகமது, மோகித் சர்மா

டெல்லி  அணி வீரர்கள்: 

டேவிட் வார்னர், பிரித்வி ஷா, அபிஷேக் போரல், ரிஷப் பந்த்(கேப்டன் /விக்கெட் கீப்பர்), டிரிஸ்டன் ஸ்டப்ஸ், அக்சர் படேல், லலித் யாதவ், ஜே ரிச்சர்ட்சன், அன்ரிச் நார்ட்ஜே, இஷாந்த் சர்மா, கலீல் அகமது.