ஆஸ்திரேலியா அணிக்கு பின்னடைவு.. காயம் காரணமான வெளியேறிய வார்னர்!

இந்திய அணிக்கெதிரான ஒருநாள் போட்டியில் விளாயாடும் பொது ஆஸ்திரேலியா அணியில் நட்சத்திர வீரரான வார்னருக்கு ஏற்பட்ட காயம் காரணமாக ஒருநாள், டி-20 தொடரில் இருந்து விலகுவதாக அறிவித்தார்.

ஆஸ்திரேலியா சுற்றுப்பயணம் மேற்கொண்ட இந்திய அணி, ஒருநாள், டி-20, டெஸ்ட் போட்டிகளில் விளையாடி வருகிறது. ஒருநாள் தொடரில் இந்திய அணி தோல்வியடைந்த நிலையில், மூன்றாம் போட்டியில் ஆறுதல் வெற்றியை காண ஆவலுடன் காத்துக் கொண்டிருக்கிறது.

இந்நிலையில், 2 ஆம் ஒருநாள் போட்டியில் இந்திய அணி பேட்டிங் செய்யும் போது ஆஸ்திரேலிய அணியின் வீரர் டேவிட் வார்னர் போட்டியின் பாதியில் வெளியேறினார். நான்காவது ஓவரில், ஷிகர் தவான் பந்தை மிட்-ஆஃப் சைடு நோக்கி அடிக்க பந்தை வார்னர் குறுக்கே வந்து பந்தைத் தடுக்க ஒரு டைவ் அடித்தார். அவர் இரண்டாவது முறையாக உருட்டும்போது காயம் ஏற்பட்டது.

இதனால் வார்னர் களத்திலேயே சுருண்டு விழுந்து, நடக்க முடியாமல் துடித்தார். பின்னர் வார்னரை மைதானத்திற்கு வெளியே அழைத்து செல்லப்பட்டார். இந்த காயம் காரணமாக ஒருநாள், டி-20 தொடரில் இருந்து வார்னர் விலகுவதாக அறிவித்தார். அதன்பின் நடைபெறும் டெஸ்ட் தொடரில் அவர் பங்கேற்ப்பார் என எதிர்பார்க்கப்படுகிறது.