டெஸ்ட் பேட்ஸ்மேன் தரவரிசைப் பட்டியல் விராட் கோலி முதலிடம் !
சர்வதேச கிரிக்கெட் கவுன்சில் டெஸ்ட் கிரிக்கெட் வீரர்களின் புதிய தரவரிசைப் பட்டியல் நேற்று முன்தினம் வெளியிட்டது. பேட்ஸ்மேன் தரவரிசைப் பட்டியலில் இந்திய அணியின் கேப்டன் விராட் கோலி 922 புள்ளிகளுடன் முதலிடத்தில் உள்ளார்.அந்தப் பட்டியலில் இரண்டாம் இடத்தில் கேன் வில்லியம்சன் 913 புள்ளிகளுடனும் , இந்தியாவின் புஜாரா 881 புள்ளிகளுடன் மூன்றாம் இடத்தில் உள்ளார்.
நான்காவது இடத்தில் ஆஸ்திரேலியா அணியின் வீரர் ஸ்டீவன் ஸ்மித் 857 புள்ளிகள் பெற்றுள்ளார்.மேலும் பந்து வீச்சாளர்கள் தரவரிசை பட்டியலில் ஆஸ்திரேலியா அணியின் பந்து வீச்சாளர் கம்மின்ஸ் முதல் இடத்தில் உள்ளார். இரண்டாம் இடத்தில் இங்கிலாந்தின் அணி வீரர் ஜேம்ஸ் ஆண்டர்சனும் , தென்னாப்பிரிக்கா அணி வீரர் ரபடா மூன்றாம் இடத்தில் உள்ளார்.
பந்துவீச்சில் 10 இடத்தில் இந்திய வீரர் ரவிந்திர ஜடேஜா ஆறாவது இடத்திலும் ,அஸ்வின் பத்தாவது இடத்திலும் உள்ளனர். அணிகளின் தரவரிசையில் முதல் இடத்தில் இந்தியா 113 புள்ளிகள் , நியூஸிலாந்து 111 புள்ளிகள் , தென்னாப்பிரிக்கா 108 புள்ளிகள் , இங்கிலாந்து 105 புள்ளிகள் ஆஸ்திரேலியா 98 புள்ளிகள் பெற்று உள்ளன.
