வெஸ்ட் இண்டீஸ் சுற்றுப்பயணத்திற்கு வெறித்தனமாக தயாராகும் விராட் கோலி… வீடியோ வைரல்.!

Virat kohli Workout [Image- Twitter/@viratkohli & HT]

வெஸ்ட்இண்டீஸ் க்கு எதிரான தொடருக்காக முழு வேகத்தில் தயாராகிவரும் விராட் கோலியின் ஒர்க்அவுட் வீடியோ வைரல்.

இந்திய அணி, உலக டெஸ்ட் சாம்பியன்ஷிப் இறுதிப்போட்டி தோல்விக்கு பிறகு, அடுத்து மேற்கு இந்திய தீவுகளுக்கு அடுத்த மாதம் ஜூலை 12இல் சுற்றுப்பயணம் செய்கிறது. இந்த சுற்றுப்பயணத்தில் 2 டெஸ்ட், 3 ஒருநாள் போட்டிகள் மற்றும் 5 டி-20 போட்டிகள் கொண்ட தொடரில் இந்தியா விளையாடுகிறது.

முதலாவதாக ஜூலை 12 ஆம் தேதி டெஸ்ட் தொடர் தொடங்குகிறது. இதற்காக இந்திய அணிக்கு கிட்டத்தட்ட ஓய்வாக ஒருமாத இடைவேளை அளிக்கப்பட்டுள்ளது. இந்திய அணியில் எப்போதும் முழு உடற்தகுதியுடன் இருப்பவர் என்றால் அது விராட் கோலி தான், களத்திலும், பயிற்சியிலும் முழு உத்வேகத்துடன் செயல்படுபவர்.

களத்தில் வேகமாக ஓடுவதும், ஃபீல்டிங் செய்வதிலும், ரன் ஓடுவதிலும் சிறந்தவர். ஃபிட்னஸ் சோதனையிலும் முன்னிலையில் விராட் கோலி இருக்கிறார். இந்நிலையில் வெஸ்ட் இண்டீஸ் க்கு எதிரான தொடரில் பங்கேற்பதற்காக உடற்பயிற்சிக் கூடத்தில் விராட் பயிற்சி செய்யும் வீடீயோவை அவர் தனது ட்விட்டரில் பகிர்ந்துள்ளார்.

34 வயதாகும் விராட், தனது காலுக்கு வெறித்தனமாக ஒர்க்அவுட் செய்யும் வீடியோ இணையத்தில் வைரலாகி வருகிறது. சமீபத்தில் மீண்டும் பழைய பார்முக்கு திரும்பியுள்ள விராட், வெஸ்ட் இண்டீஸ் தொடரிலும் அதிரடி காட்டுவார் என்று ரசிகர்களால் எதிர்பார்க்கப்படுகிறது. இந்திய அணி இந்த வருடம் அடுத்தடுத்து ஆசியக்கோப்பை தொடர் மற்றும் ஒருநாள் உலகக்கோப்பை என இரு மிகப்பெரிய தொடர்களில் விளையாட இருக்கிறது.