மதிப்புமிக்க வீரர் விருது… சிஎஸ்கே ரசிகர்களை ட்ரோல் செய்த ஜடேஜா.!

தன்னை அவுட் ஆகும்படி கூறிய ரசிகர்களுக்கு, நேற்று ஜடேஜா மதிப்புமிக்க வீரர் விருது வாங்கி பதிலடி ட்வீட் செய்துள்ளார்.

ஐபிஎல் தொடரில் நேற்று நடைபெற்ற முதல் தகுதிச் சுற்றுப் போட்டியில் சென்னை மற்றும் குஜராத் அணைகள் சென்னை சேப்பாக்கம் மைதானத்தில் மோதின. இதில் டாஸ் வென்ற குஜராத் அணி முதலில் பந்துவீச்சை தேர்வு செய்தது. இதன்படி முதலில் களமிறங்கிய சென்னை அணி 20 ஓவர்கள் முடிவில் 7 விக்கெட் இழப்புக்கு 172 ரன்கள் குவித்தது.

இதனை அடுத்து 173 ரன்கள் எடுத்தால் வெற்றி என்ற இலக்குடன் களமிறங்கிய குஜராத் அணி, சென்னை அணியின் பந்துவீச்சாளர்களை சமாளிக்க முடியாமல் 20 ஓவர்களில் 157 ரன்களுக்கு ஆல் அவுட் ஆனது. இதனால் குஜராத் அணி, 15 ரன்கள் வித்தியாசத்தில் சென்னை அணியிடம் முதன்முறையாக வீழ்ந்தது.

சென்னை அணியும் ஐபிஎல் பைனலுக்கு முதல் அணியாக நுழைந்தது. போட்டிக்கு பிறகு சிறப்பாக பேட்டிங் மற்றும் பவுலிங்கில் சிறப்பாக செயல்பட்ட ஜடேஜா, அப்ஸ்டாக்ஸ் (Upstox) சிறந்த மதிப்புமிக்க வீரர் என்ற விருதை வாங்கினார். இந்த போட்டியில் ஜடேஜா பேட்டிங்கில் 16 பந்துகளில் 22 ரன்களும், சிறப்பாக பவுலிங் செய்து 2 முக்கிய விக்கெட்களை வீழ்த்தி வெற்றிக்கு வித்திட்டார்.

முன்னதாக சென்னை அணி பேட்டிங் செய்யும் பொழுதெல்லாம் தோனியின் பேட்டிங்கை பார்ப்பதற்கு, விளையாடிக் கொண்டிருக்கும் ஜடேஜாவை ஆட்டமிழக்கும் படி தோனியின் அன்பான ரசிகர்கள் ஜடேஜாவிடம் மைதானத்தில் கோஷம் எழுப்புவார்கள். இதனையடுத்து நேற்று சிறந்த மதிப்புமிக்க வீரர் விருது வாங்கிய ஜடேஜா தனது ட்வீட்டில், அப்ஸ்டாக்ஸ்- க்கு நான் மதிப்புமிக்க வீரர் என தெரிகிறது, ஆனால் சில ரசிகர்களுக்கு தெரிவதில்லை என கூறியுள்ளார்.</p

Upstox knows but..some fans don’t ???????? pic.twitter.com/6vKVBri8IH

— Ravindrasinh jadeja (@imjadeja) May 23, 2023

>