நாளை நடைபெறும் 19 வயதுக்குட்பட்டோருக்கான உலகக் கோப்பை இறுதிப் போட்டியில் இந்தியா- இங்கிலாந்து மோதுகிறது.
U-19 உலகக்கோப்பை தொடர் நடைபெற்று வருகிறது. நேற்று முன்தினம் நடைபெற்ற 2-வது அரையிறுதி போட்டியில் ஆஸ்திரேலியா -இந்தியா மோதியது. இப்போட்டியில் டாஸ் வென்ற இந்திய அணி முதலில் பேட்டிங் தேர்வு செய்தனர். இந்திய அணி 50 ஓவரில் 5 விக்கெட் இழந்து 290 ரன்கள் எடுத்தது. இதனால், 291 ரன்கள் என்ற இலக்குடன் களமிறங்கிய ஆஸ்திரேலியா அணி 41.5 ஓவர் முடிவிலேயே அனைத்து விக்கெட்களையும் இழந்து 194 ரன்கள் மட்டுமே எடுத்தது.
இதனால், 96 ரன்கள் வித்தியாசத்தில் இந்திய அணி வெற்றி பெற்று இறுதிப்போட்டிக்கு முன்னேறியுள்ளது. இந்நிலையில், 19 வயதுக்குட்பட்டோருக்கான உலகக் கோப்பை இறுதிப் போட்டி நாளை ஆன்டிகுவாவில் உள்ள சர் விவியன் ரிச்சர்ட்ஸ் மைதானத்தில் நடைபெறுகிறது. இப்போட்டியில் இந்தியா- இங்கிலாந்து மோதுகிறது. இப்போட்டி இந்திய நேரப்படி மாலை 6:30 மணிக்கு தொடங்குகிறது.
2016-ம் ஆண்டிலிருந்து இந்தியா தொடர்ந்து நான்காவது முறையாக இறுதிப் போட்டி வந்துள்ளது. ஐந்தாவது முறையாக சாம்பியன் பட்டம் வெல்லும் வாய்ப்பை இந்திய அணி பெற்றுள்ளது. இந்தியா 2000, 2008, 2012 மற்றும் 2018 ஆகிய ஆண்டுகளில் உலகக் கோப்பையை வென்றுள்ளது.
கடந்த 2008-ம் ஆண்டு விராட் கோலியின் தலைமையில் 19 வயதுக்குட்பட்டோருக்கான இந்திய அணி கோப்பையை வென்றது. இதுபோன்ற சூழ்நிலையில், கோலி தனது அனுபவத்தை 19 வயதுக்குட்பட்ட இந்திய அணியின் கேப்டன் யாஷ் துல், ராஜ்வர்தன் ஹங்கர்கேகர் மற்றும் கவுஷல் தம்பே ஆகியோருடன் ‘ஜூம்’ அழைப்பில் பகிர்ந்து கொண்டார். அப்போது, அந்த அணியின் தலைமை பயிற்சியாளர் ரிஷிகேஷ் கனிட்கரும் உடன் இருந்தார்.
19 வயதுக்குட்பட்டோருக்கான உலககோப்பையை இங்கிலாந்து அணி ஒரு முறை வென்றுள்ளது. 1998-ஆம் ஆண்டு இறுதி போட்டியில் நியூஸிலாந்து உடன் இங்கிலாந்து மோதியது. இப்போட்டியில் இங்கிலாந்து அணி 7 விக்கெட் வித்தியாசத்தில் வெற்றி பெற்றது. அதன் பிறகு நடைபெற்ற 19 வயதுக்குட்பட்டோருக்கான உலககோப்பை தொடரில் இங்கிலாந்து இறுதிப்போட்டிக்கு சென்றது இல்லை. இந்த வருடம் தான் இங்கிலாந்து இறுதிப்போட்டி வந்துள்ளது என்பது குறிப்பிடத்தக்கது.
ஆந்திரா : தமிழகத்தில் இரு மொழிக்கொள்கை என்பது பெரிய அளவில் பேசுபொருளாகியுள்ள நிலையில், தமிழகத்தின் சேர்ந்த அரசியல் தலைவர்கள் பலரும்…
சென்னை : தமிழ்நாடு அரசின் வேளாண் நிதிநிலை அறிக்கை-2025 வேளாண்மைத் துறை அமைச்சர் எம்.ஆர்.கே. பன்னீர்செல்வம் தாக்கல் செய்து தற்போது…
டெல்லி : இந்த ஆண்டுக்கான ஐபிஎல் தொடர் வரும் மார்ச் 22-ஆம் தேதி முதல் தொடங்கப்படவுள்ளது. போட்டியில் விளையாட வீரர்கள் தயாராகி…
வாஷிங்டன் : நாசா மற்றும் ஸ்பேஸ்எக்ஸ் இணைந்து Crew-10 மிஷனை வெற்றிகரமாக விண்ணில் செலுத்தியுள்ளனர்.கடந்த ஆண்டு ஜூன் மாதம் அமெரிக்க…
சென்னை : நேற்று (மார்ச் 14) 2025-26 நிதியாண்டுக்கான பொது பட்ஜெட் நிதி அமைச்சர் தங்கம் தென்னரசு தாக்கல் செய்திருந்தார்.…
சென்னை : ஆபரணத் தங்கத்தின் விலை வரலாறு காணாத அளவில் இன்று ஒரே நாளில் சவரனுக்கு ரூ.66,000-ஐ கடந்தது நகை…
