U-19 உலகக்கோப்பை: காலிறுதியில் வங்கதேசத்தை வதம் செய்த இந்தியா ..!

U-19 உலகக்கோப்பை தொடரின் காலிறுதி ஆட்டத்தில் வங்கதேசத்தை 5 விக்கெட் வித்தியாசத்தில் இந்திய அணி வீழ்த்தியது.

U-19 உலகக்கோப்பை போட்டி நடைபெற்று வருகிறது. இந்தத் தொடரில் மொத்தம் 16 நாடுகளை சேர்ந்த அணிகள் விளையாடி வருகிறது. மொத்தம் நான்கு பிரிவுகளாக பிரிக்கப்பட்டு ஒவ்வொரு பிரிவிற்கும் 4 அணிகள் இடம்பெற்றுள்ளன. இதில் பி பிரிவில் இந்தியா இடம் பெற்றுள்ளது. இந்த தொடரில்  நேற்று நடைபெற்ற காலிறுதி போட்டியில் பங்களாதேஷ், இந்தியா மோதியது.

இப்போட்டியில் டாஸ் வென்ற இந்திய அணி முதலில் பந்து வீச தேர்வு செய்தது. அதன்படி முதலில் இறங்கிய பங்களாதேஷ்  37.1 ஓவரில் அனைத்து விக்கெட் இழந்து 111 ரன்கள் மட்டுமே எடுத்தனர். அந்த அணியில் மெஹரோவ் அதிகபட்சமாக 30 ரன்கள் எடுத்தார்.  இந்திய அணியில் ரவி குமார் 3 , விக்கி ஓஸ்ட்வால் 2 விக்கெட்டை பறித்தனர்.

பின்னர் இந்திய அணி களமிறங்கியது. தொடக்க வீரராக களமிங்கிய  ஹர்னூர் சிங் 3 பந்தில் டக் அவுட் ஆனார்.  பிறகு சிறப்பாக விளையாடிய இந்திய அணி 30.5 ஓவரில் 5 விக்கெட்டை இழந்து 117 ரன்கள் எடுத்து 5 விக்கெட் வித்தியாசத்தில் வெற்றி பெற்றது. வரும் 2-ஆம் தேதி இந்தியா  அரையிறுதியில் ஆஸ்திரேலியாவுடன் மோத இருக்கிறது.