ஐசிசி 19 வயதுக்குட்பட்ட ஆண்களுக்கான உலகக் கோப்பை 2024 இன்று முதல் தென்னாப்பிரிக்காவில் நடைபெறவுள்ளது. முதலில் இலங்கையில் நடத்தவிருப்பதாக கூறப்பட்டு வந்த நிலையில், ஐசிசி ஒழுங்கு நடவடிக்கை காரணமாக கடைசி நேரத்தில் தென்னாப்பிரிக்காவுக்கு மாற்றம் செய்யப்பட்டது. இன்று 2 போட்டிகள் நடைபெற உள்ளது. முதல் போட்டியில் அயர்லாந்து vs அமெரிக்கா அணிகளும், 2-வது போட்டியில் தென்னாப்பிரிக்கா vs வெஸ்ட் இண்டீஸ் அணிகளும் மோதவுள்ளது.
இந்த உலககோப்பை கிரிக்கெட் உலகிற்கு பல நட்சத்திரங்களை கொடுத்துள்ளது. அதிலும் இந்தியாவிற்கு யுவராஜ் சிங் (2000), ரோகித் சர்மா (2006), விராட் கோலி மற்றும் ரவீந்திர ஜடேஜா (2008), ரிஷப் பந்த் மற்றும் இஷான் கிஷன் (2016), ஷுப்மான் கில் (2018) போன்ற நட்சத்திரங்கள் இந்தப் போட்டியில் ஜொலித்தனர்.
குஜராத்தில் துயரம்! படகு கவிழ்ந்து 16 பேர் பலி!
இந்த ஆண்டு நடைபெறும் ஐசிசி 19 வயதுக்குட்பட்ட உலகக் கோப்பை தொடரில் மொத்தமாக 16 அணிகள் பங்கேற்றுள்ளன. இன்று தொடங்கி பிப்ரவரி 11-ஆம் தேதி வரை உலகக்கோப்பை தொடர் நடைபெறவுள்ளது. 19 வயதுக்குட்பட்டோருக்கான உலகக்கோப்பை வரலாற்றில் இந்திய அணிதான் அதிக முறை கோப்பையை கைப்பற்றி உள்ளது. இந்தியா ஐந்து முறை பட்டம் வென்றுள்ளது. அதன்படி, 2000, 2008, 2012, 2018 மற்றும் 2022 ஆகிய ஆண்டுகளில்உலகக் கோப்பையை இந்திய அணி கைப்பற்றியது.
இது தவிர, 2016 மற்றும் 2020 ஆம் ஆண்டுகளில் இந்தியா இறுதிப்போட்டிக்கு சென்றது. இந்திய அணி ஆறாவது முறையாக சாம்பியன் பட்டம் வெல்லும் முனைப்பில் உள்ளது. இந்தியாவுக்கு அடுத்தபடியாக 19 வயதுக்குட்பட்டோருக்கான உலகக் கோப்பையை ஆஸ்திரேலியா மூன்று முறையும், பாகிஸ்தான் இரண்டு முறையும் வென்றுள்ளது. பங்களாதேஷ், தென்னாப்பிரிக்கா, மேற்கிந்திய தீவுகள் மற்றும் இங்கிலாந்து அணிகள் தலா ஒரு முறை கோப்பையை கைப்பற்றி உள்ளனர்.
இந்திய அணி வீரர்கள்:
உதய் சஹாரன் (கேப்டன்), அர்ஷின் குல்கர்னி, ஆதர்ஷ் சிங், ருத்ரா மயூர் படேல், சச்சின் தாஸ், பிரியன்ஷு மோலியா, முஷீர் கான், ஆரவெல்லி அவ்னிஷ் ராவ் (விக்கெட் கீப்பர்), சௌம்ய குமார் பாண்டே (துணை கேப்டன்), முருகன் அபிஷேக், இனேஷ் மகாஜன் (விக்கெட் கீப்பர்), தனுஷ் கவுடா, ஆராத்யா சுக்லா, ராஜ் லிம்பானி மற்றும் நமன் திவாரி ஆகியோர் இடம்பெற்றுள்ளனர்.
குரூப் A: பங்களாதேஷ், இந்தியா, அயர்லாந்து, அமெரிக்கா.
குரூப் B: இங்கிலாந்து, ஸ்காட்லாந்து, தென் ஆப்ரிக்கா, மேற்கிந்திய தீவுகள்.
குரூப் C: ஆஸ்திரேலியா, நமீபியா, இலங்கை, ஜிம்பாப்வே.
குரூப் D: ஆப்கானிஸ்தான், நேபாளம், நியூசிலாந்து, பாகிஸ்தான்.
நாட்டிங்ஹாம் : இங்கிலாந்து நாட்டில் ஆஸ்திரேலியா கிரிக்கெட் அணி சுற்றுப்பயணம் மேற்கொண்டு 3 டி20 போட்டிகள் மற்றும் 5 ஒரு…
சென்னை : இசையமைப்பாளராக நம்மளுடைய மனதை கவர்ந்த ஹிப் ஹாப் ஆதி தன்னுடைய முதல் படமான மீசையை முறுக்கு படத்தின்…
சென்னை : தமிழ்நாடு விளையாட்டுத்துறை அமைச்சர் உதயநிதி ஸ்டாலின், துணை முதலமைச்சராக அறிவிக்கப்பட உள்ளார் என்ற பேச்சுக்கள் தற்போது தமிழக…
சென்னை : திருப்பதியில் வழங்கப்படும் லட்டில் மாட்டுக்கொழுப்பு. மீன் எண்ணெய் போன்றவை கலப்பதாக எழுந்துள்ள புதிய சர்ச்சை, நாடு முழுவதும்…
சென்னை : கடந்த 3 நாள்களாக குறைந்து வந்த தங்கம் விலை, இன்று மீண்டும் உயர்ந்து சவரன் ரூ.55,000-ஐ கடந்தது.…
சென்னை : குக் வித் கோமாளி நிகழ்ச்சியில் இருந்து மணிமேகலை விலகியது பெரிய அளவில் பேசுபொருளாகும் விவகாரமாக வெடித்துள்ள நிலையில், இந்த…
