#IPL2022:அனல் பறக்கும் இன்றைய ஆட்டம்;நேருக்கு நேர் மோதும் பஞ்சாப்-குஜராத் அணிகள்!

டாடா ஐபிஎல் (TATA IPL 2022) இன் 16-வது போட்டியில் பஞ்சாப் கிங்ஸ் மற்றும் குஜராத் டைட்டன்ஸ் அணிகள் மோதுகின்றன.

டாடா ஐபிஎல் 2022 இன் இன்றைய 16-வது ஆட்டத்தில் பஞ்சாப் கிங்ஸ் அணியை குஜராத் டைட்டன்ஸ் அணியை  எதிர்கொள்கிறது. இப்போட்டியானது,மும்பையில் உள்ள பிரபோர்ன் மைதானத்தில் இன்று இரவு 7.30 மணிக்கு நடைபெறுகிறது.குறிப்பாக,டாடா ஐபிஎல் சீசனில் இரு அணிகளும் முதல் முறையாக மோதுகின்றன.

இதற்கிடையில்,டாடா ஐபிஎல் சீசனில் பஞ்சாப் கிங்ஸ் அணியானது மூன்று போட்டிகளில் விளையாடி,அதில் இரண்டு போட்டிகளில் வெற்றி பெற்றது.மறுபுறம் குஜராத் டைட்டன்ஸ் இந்த சீசனில் இரண்டு போட்டிகளில் விளையாடி அந்த இரண்டு போட்டிகளிலும் வெற்றியைக் கைப்பற்றியது. பஞ்சாப் கிங்ஸ் தற்போது டாடா ஐபிஎல் தொடரின் புள்ளிகள் பட்டியலில் நான்காவது இடத்திலும்,குஜராத் டைட்டன்ஸ் தற்போது புள்ளிகள் பட்டியலில் மூன்றாவது இடத்திலும் உள்ளது.

பஞ்சாப் கிங்ஸ் அணி தனது கடைசி ஆட்டத்தில் சென்னை சூப்பர் கிங்ஸ் அணிக்கு எதிராக 54 ரன்கள் வித்தியாசத்தில் வெற்றி பெற்றது.மறுபுறம், குஜராத் டைட்டன்ஸ் தனது கடைசி ஆட்டத்தில் டெல்லி கேப்பிடல்ஸுக்கு எதிராக விளையாடி 14 ரன்கள் வித்தியாசத்தில் வெற்றி பெற்றது.

இந்த நிலையில்,டாடா ஐபிஎல் சீசனில் முதல் முறையாக பஞ்சாப் கிங்ஸ் vs குஜராத் டைட்டன்ஸ் அணிகள் மோதுகின்றன.இதனால் இன்றைய ஆட்டம் அனல் பறக்கும் என கிரிக்கெட் ரசிகர்கள் எதிர்பார்க்கின்றனர்.

அணிகள்:

சாத்தியமான பஞ்சாப் கிங்ஸ் அணி:மயங்க் அகர்வால்(கேப்டன்),ஷிகர் தவான்,பானுகா ராஜபக்சே,லியாம் லிவிங்ஸ்டோன்,ஷாருக் கான், ஒடியன் ஸ்மித்,ஜிதேஷ் ஷர்மா(வி.கீப்பர்),ராகுல் சாஹர்,ககிசோ ரபாடா,அர்ஷ்தீப் சிங்,வைபவ் அரோரா.

சாத்தியமான குஜராத் டைட்டன்ஸ் அணி: சுப்மன் கில்,மேத்யூ வேட்(வி.கீப்பர்), விஜய் சங்கர்,ஹர்திக் பாண்டியா(கேப்டன்), அபினவ் மனோகர், டேவிட் மில்லர், ராகுல் டெவாடியா, ரஷித் கான், வருண் ஆரோன், லாக்கி பெர்குசன்,முகமது ஷமி.