2020-ல் முதல் வெற்றியை பதிவு செய்த இந்திய அணி..!

மெல்போர்ன் மைதானத்தில் நடந்த இரண்டாவது டெஸ்டில் ஆஸ்திரேலியாவை 8 விக்கெட் வித்தியாசத்தில் இந்திய அணி வீழ்த்தியது. இதனால், நான்கு போட்டிகள் கொண்ட தொடரில் 1-1 என்ற கணக்கில் இரு அணிகளும் சமன் உள்ளது. இதன் மூலம், 2020 இல் இந்திய அணி டெஸ்ட் போட்டியில் முதல் வெற்றியைப் பதிவு செய்துள்ளது.

இந்த ஆண்டு இந்திய அணி இதுவரை 4 டெஸ்ட் போட்டிகளில் விளையாடி உள்ளது. அதில், கடந்த பிப்ரவரி மாதம் நடைபெற்ற நியூலாந்திற்கு எதிரான 2 போட்டியிலும் இந்திய அணி தோல்வியை தழுவியது. மேலும், ஆஸ்திரேலியா அணியுடன் விளையாடிய முதல் டெஸ்ட் போட்டியிலும் தோல்வியை தழுவியது.

இந்நிலையில், 2-வது டெஸ்ட் போட்டியில் இந்திய அணி வெற்றி பெற்று முதல் வெற்றியை பத்திவு செய்துள்ளது.