நியூசிலாந்து, இலங்கை மற்றும் ஆஸ்திரேலிய தொடருக்கான இந்திய அணியின் அட்டவணை அறிவிப்பு- பிசிசிஐ

நியூசிலாந்து, இலங்கை மற்றும் ஆஸ்திரேலிய தொடருக்கான இந்திய அணியின் அட்டவணை அறிவிக்கப்பட்டுள்ளது. 

அடுத்த ஆண்டு ஜனவரி மாதம் தொடக்கத்தில் இருந்து இந்திய அணி, விளையாடும் உள்நாட்டு தொடருக்கான போட்டி அட்டவணையை பிசிசிஐ  அறிவித்துள்ளது. இலங்கை அணி, இந்தியாவில் சுற்றுப்பயணம் செய்து 3 டி-20 மற்றும் 3 ஒருநாள் போட்டிகள் கொண்ட தொடரில் விளையாடுகிறது.

முதல் டி-20 போட்டி ஜனவரி-3 இல் மும்பையிலும், 2-வது டி-20 போட்டி ஜனவரி-5 இல் புனேவிலும், 3-வது டி-20 போட்டி ஜனவரி-7 இல் ராஜ்கோட்டிலும் நடைபெறுகிறது. முதல் ஒருநாள் போட்டி ஜனவரி-10 இல் கவுஹாத்தியிலும், 2-வது ஒருநாள் போட்டி ஜனவரி-12 இல் கொல்கத்தாவிலும், 3-வது ஒருநாள் போட்டி ஜனவரி-15 இல் திருவனந்தபுரத்திலும் நடைபெறுகிறது.

நியூசிலாந்து அணி, இந்தியாவில் சுற்றுப்பயணம் செய்து 3 ஒருநாள் மற்றும் 3 டி-20 போட்டிகள் கொண்ட தொடரில் விளையாடுகிறது. முதல் ஒருநாள் போட்டி ஜனவரி-18 இல் ஹைதராபாதிலும், 2-வது ஒருநாள் போட்டி ஜனவரி-21 இல் ராய்ப்பூரிலும், 3-வது ஒருநாள் போட்டி ஜனவரி-24 இல் இந்தூரிலும் நடைபெறுகிறது.

முதல் டி-20 போட்டி ஜனவரி-27 இல் ராஞ்சியிலும், 2-வது டி-20 போட்டி ஜனவரி-29 இல் லக்னோவிலும், 3-வது டி-20 போட்டி பிப்-1இல் அகமதாபாத்திலும் நடைபெறுகிறது.

ஆஸ்திரேலிய அணி, இந்தியாவில் சுற்றுப்பயணம் செய்து 4 டெஸ்ட் மற்றும் 3 ஒருநாள் போட்டிகள் கொண்ட தொடரில் விளையாடுகிறது. முதல் டெஸ்ட் போட்டி பிப்-9 இல் நாக்பூரில் தொடங்குகிறது. 2-வது டெஸ்ட் போட்டி பிப்-17 இல் டெல்லியில் நடைபெறுகிறது. 3-வது மற்றும் 4-வது டெஸ்ட் போட்டிகள் மார்ச்-1 மற்றும் மார்ச்-9இல் தரம்சாலா மற்றும் அகமதாபாத்திலும் நடைபெறுகிறது.

முதல் ஒருநாள் போட்டி மார்ச்-17இல் மும்பையிலும், 2-வது ஒருநாள் போட்டி மார்ச்-19இல் விசாகபட்டினத்திலும், 3-வது ஒருநாள் போட்டி மார்ச்-22இல் சென்னையிலும் நடைபெறும் என பிசிசிஐ  அறிவித்துள்ளது.