#T20 WorldCup: 2024 ஆம் ஆண்டு உலகக்கோப்பை தொடருக்கு எந்தெந்த அணிகள் தகுதி பெற்றுள்ளன?

2024 ஆம் ஆண்டு நடக்கும் டி-20 உலகக்கோப்பை தொடருக்காக 12 அணிகள் நேரடியாக தகுதி பெற்றுள்ளன.

20 அணிகள் பங்கேற்கும் 2024 ஆம் ஆண்டின் ஒன்பதாவது டி-20 உலகக்கோப்பை தொடருக்கு 12 அணிகள் நேரடியாக தகுதி பெற்றுள்ளன. இந்த வருட டி-20 உலகக்கோப்பையில், இடம்பிடித்ததன் அடிப்படையில் முதல் 8 அணிகளும், தொடரை நடத்தும் வெஸ்ட் இண்டீஸ் மற்றும் அமெரிக்கா ஆகிய அணிகளும், ஐசிசி தரவரிசை அடிப்படியில் வங்கதேசம், ஆப்கானிஸ்தான் அணிகளும் நேரடியாக இடம்பெற்றுள்ளன.

இதில் நெதர்லாந்து அணி நேற்று தென்னாப்பிரிக்காவிற்கு எதிரான போட்டியில் வென்றதன் மூலம் முதல் 8 இடங்களுக்குள் நீடித்தது, இதனால் நெதர்லாந்து அணியும் நேரடியாக நுழைந்துள்ளது. 2024 டி-20 உலகக்கோப்பை தொடருக்கு தகுதி பெற்றுள்ள 12 அணிகள் பின்வருமாறு, இந்தியா, இங்கிலாந்து, ஆஸ்திரேலியா, நியூசிலாந்து, தென் ஆப்பிரிக்கா, பாகிஸ்தான், இலங்கை, நெதர்லாந்து, வெஸ்ட் இண்டீஸ், அமெரிக்கா, ஆப்கானிஸ்தான், வங்கதேசம்.