டி-20 உலககோப்பையின் இறுதிப்போட்டியில் இங்கிலாந்து மற்றும் பாகிஸ்தான் அணிகள் இன்று இறுதிப்போட்டியில் மோதுகின்றன.
ஆஸ்திரேலியாவில் நடந்து வரும் நடந்து வரும் எட்டாவது ஐசிசி டி20 உலக கோப்பை தொடர் இறுதிக்கட்டத்தை நெருங்கிவிட்டது. பதினாறு அணிகளுடன் ஆரம்பித்த இந்த டி20 உலக கோப்பைத் தொடரின் இறுதிப்போட்டி இன்று மெல்போர்னில் நடைபெறுகிறது.
சிட்னியில் நடைபெற்ற முதல் அரை இறுதியில் பாகிஸ்தான் மற்றும் நியூசிலாந்துக்கு இடையேயான போட்டியில் பாகிஸ்தான் அணி 7 விக்கெட் வித்தியாசத்தில் நியூசிலாந்து அணியை வீழ்த்தி முதல் அணியாக இறுதிப் போட்டிககுள் நுழைந்தது, அடிலைடில் நடைபெற்ற இரண்டாவது அரை இறுதி போட்டியில் இந்தியா மற்றும் இங்கிலாந்துக்கு இடையேயான போட்டியில் இங்கிலாந்து அணி 10 விக்கெட் வித்தியாசத்தில் வெற்றி பெற்று இறுதிப்போட்டிக்குள் நுழைந்தது.
போட்டி நடைபெறும் மெல்போர்ன் மைதானம் பவுன்ஸ்க்கு ஏற்ற பிட்ச்சாக இருக்கும், மேலும் இங்கு முதலில் பேட்டிங் செய்யும் அணி சராசரியாக 167 ரன்கள் குவித்திருக்கிறது. போட்டி நாளான இன்று மெல்போர்ன் மைதானத்தில் 90% மழை இருக்கும் என்று வானிலை மையம் தெரிவித்திருக்கிறது. போட்டியை முடிவு செய்ய இரு அணிகளுக்கும் குறைந்தது 10 ஒவர்களாவது விளையாடியிருக்க வேண்டும்.
இன்று மழை பெய்து விளையாட முடியாத பட்சத்தில் இன்னொரு நாள்(திங்கள் கிழமை) ஒதுக்கப்பட்டுள்ளது. ஆனால் நாளையும் மழை வருவதற்கான வாய்ப்பு அதிகம் என்று வானிலை மையம் தெரிவித்திருக்கிறது. அப்படி இருநாட்களும் மழை பெய்து ஆட்டம் கைவிடப்படும் நிலையில், இரு அணிகளும் சாம்பியன் என அறிவிக்கப்படும்.
பாகிஸ்தான், இங்கிலாந்து இரு அணிகளும் இதுவரை 27 டி-20களில் நேருக்குநேர் மோதியுள்ளன, இதில் 18இல் இங்கிலாந்து அணியும் 9இல் பாகிஸ்தான் அணியும் வென்றுள்ள. டி-20 உலகக்கோப்பை போட்டிகளில் இருமுறை இரு அணிகளும் மோதியதில் இங்கிலாந்து அணி 2 போட்டிகளிலும் வென்றிருக்கிறது.
சமீபத்தில் பாகிஸ்தான் சென்ற இங்கிலாந்து அணி 7போட்டிகள் கொண்ட டி-20 தொடரை 4-3 என்ற கணக்கில் வென்றது. இந்த டி-20 உலகக்கோப்பை தொடரிலும் இரு அணிகளும் சம பலத்துடன் களமிறங்குகின்றன. 2009 ஆம் ஆண்டு பாகிஸ்தான் அணியும், 2010 ஆம் ஆண்டு இங்கிலாந்து அணியும் சாம்பியன் பட்டம் வென்றிருக்கிறது.
இந்த உலகக்கோப்பையை வெல்லும் அணி 2 ஆவது முறை டி-20 உலகக்கோப்பை சாம்பியன் பட்டத்தை வெல்லும் என்பது குறிப்பிடத்தக்கது.
சென்னை: சென்னை அண்ணா அறிவாலயத்தில் முதலமைச்சர் மு.க.ஸ்டாலின் தலைமையில், திமுக செயற்குழு கூட்டம் நடைபெற்றது. இந்த ஆலோசனை கூட்டத்தில், திமுக…
தை அமாவாசை 2025-ல் வரும் தேதி மற்றும் அதன் சிறப்புகளை இந்த செய்தி குறிப்பில் காணலாம். சென்னை :அமாவாசை என்றாலே…
ஜெய்சால்மர் : ராஜஸ்தான் மாநிலம் ஜெய்சல்மேரில், நிதியமைச்சர் நிர்மலா சீதாராமன் தலைமையில் நேற்று நடைபெற்ற 55-வது ஜி.எஸ்.டி கவுன்சில் கூட்டத்தில்,…
சென்னை: தமிழகம் முழுவதும் நீதிமன்றங்களில் துப்பாக்கி ஏந்திய போலீசார் பாதுகாப்பு பணியில் ஈடுபட DGP சங்கர் ஜிவால் உத்தரவிட்டுள்ளார். திருநெல்வேலி…
குஜராத்: இந்தியாவுக்கு சுற்றுப்பயணம் மேற்கொண்டுள்ள வெஸ்ட் இண்டீஸ் மகளிர் கிரிக்கெட் அணி 3 டி20 மற்றும் 3 ஒருநாள் போட்டிகள்…
சென்னை: வெற்றி மாறன் இயக்கத்தில் சூரி, விஜய் சேதுபதி நடிப்பில் கடந்த 2023ஆம் ஆண்டு வெளியான, 'விடுதலை' முதல் பாகம்…
