#T20 World Cup 2022: ரூஸோவ் அதிரடி சதம்! தென் ஆப்பிரிக்க அணி 205 ரன்கள் குவிப்பு.!

டி-20 உலகக்கோப்பை தொடரில் முதல் சதமடித்த ரூஸோவ், தென் ஆப்ரிக்க அணி அதிரடியாக விளையாடி 205 ரன்கள் குவித்தது.

ஆஸ்திரேலியாவில் நடந்து வரும் எட்டாவது ஐசிசி டி-20 உலகக்கோப்பை தொடரில் சூப்பர்-12 போட்டிகள் நடைபெற்று வருகிறது. சிட்னியில் இன்று தென் ஆப்பிரிக்கா மற்றும் வங்கதேசம் அணிகள் விளையாடி வருகின்றன. டாஸ் வென்ற தென் ஆப்பிரிக்கா முதலில் பேட் செய்தது.

இதன்படி முதலில் களமிறங்கிய தென்னாபிரிக்கா தொடக்கம் முதலே அதிரடியைக்காட்டியது. கேப்டன் தெம்பா பவுமா 2 ரன்னில் அவுட் ஆனாலும் அதன் பின் வந்த டி காக் – ரூஸோவ் ஜோடி அதிரடியாக விளையாடி 168 ரன்கள் சேர்த்தது. டி காக் 63 ரன்னில் ஆட்டமிழந்தார். ரூஸோவ் சிறப்பாக விளையாடி சதமடித்தார்.

20 ஓவர் முடிவில் தென் ஆப்ரிக்க அணி 5 விக்கெட் இழப்புக்கு 205 ரன்கள் குவித்தது. இந்த உலகக்கோப்பை 2022 தொடரில் முதல் சதத்தை ரூஸோவ் பதிவு செய்தார். ரூஸோவ் 109 ரன்கள் எடுத்து ஆட்டமிழந்தார். வங்கதேச அணிக்கு 206 ரன்கள் இலக்காக நிர்ணயிக்கப்பட்டுள்ளது.