மகேந்திர சிங் தோனி தலைமையில் இந்திய அணிக்காக அறிமுகமான ஆல்-ரவுண்டர் ஸ்டூவர்ட் பின்னி தனது ஓய்வை அறிவித்துள்ளார்.
1983 உலகக் கோப்பை வென்ற இந்திய அணியில் இருந்த ரோஜர் பின்னியின் மகன் ஸ்டூவர்ட் பின்னி. இவர் இங்கிலாந்துக்கு எதிராக 2014 ஆம் ஆண்டு இந்தியாவுக்காக அறிமுகமானார். இந்தியாவுக்காக 6 டெஸ்ட், 14 ஒருநாள் மற்றும் 3 டி 20 போட்டிகளில் ஸ்டூவர்ட் பின்னி விளையாடினார். ஸ்டூவர்ட் பின்னி டெஸ்ட் கிரிக்கெட்டில் 194 ரன்கள் மற்றும் 3 விக்கெட்டுகள், ஒருநாள் போட்டிகளில் 230 ரன்கள் மற்றும் 20 விக்கெட்டுகள், டி 20 போட்டியில் 35 ரன்கள் மற்றும் 1 விக்கெட் பறித்துள்ளார்.
பின்னி 95 முதல் வகுப்பு போட்டிகளில் 4,796 ரன்கள் எடுத்து 148 விக்கெட்டுகளை வீழ்த்தினார். 37 வயதான ஸ்டூவர்ட் பின்னி 2016 இல் மேற்கிந்திய தீவுகளுக்கு எதிரான டி 20 போட்டியில் 6 பந்துகளில் 5 சிக்ஸர் கொடுத்தார். கடந்த 2016 -ஆம் ஆண்டு 27 ஆகஸ்ட் அன்று நடந்த டி 20 போட்டியில், மேற்கிந்திய தீவு பேட்ஸ்மேன் எவின் லூயிஸ், ஸ்டூவர்ட் பின்னி ஓவரில் தொடர்ச்சியாக 5 பந்துகளில் 5 சிக்ஸர்களை அடித்தார்.
இருப்பினும், கடைசி பந்திலும் எவின் லூயிஸ் சிக்ஸர் அடிக்க தவறிவிட்டார். ஸ்டூவர்ட் பின்னி அந்த ஓவரில் 32 ரன்களை கொடுத்தார். இதில் 5 சிக்ஸர்கள், ஒரு அகல பந்து மற்றும் ஒரு ரன் அடங்கும். ஸ்டூவர்ட் பின்னிக்கு, அந்த டி 20 போட்டி அவரது சர்வதேச வாழ்க்கையில் கடைசி போட்டியாக அமைந்தது. இதற்குப் பிறகு, ஹர்திக் பாண்டியாவின் வருகையுடன், ஸ்டூவர்ட் பின்னி டீம் இந்தியாவிலிருந்து ஒதுக்கப்பட்டார்.
ஸ்டூவர்ட் பின்னி சில சந்தர்ப்பங்களில் இந்திய அணிக்காக சிறப்பாக செயல்பட்டார். கடந்த 2014 ஆண்டு 17 ஜூன் அன்று, ஸ்டூவர்ட் பின்னி வங்கதேசத்திற்கு எதிராக மிர்பூரில் நடந்த ஒருநாள் போட்டியில் வெறும் 4 ரன்களுக்கு 6 விக்கெட்டுகளை வீழ்த்தினார். இது ஒருநாள் கிரிக்கெட்டில் இந்தியாவின் சிறந்த பந்துவீச்சு ஆகும்.
ஸ்டூவர்ட் பின்னிக்குப் பிறகு, முன்னாள் இந்திய கேப்டனும், லெக் ஸ்பின்னருமான அனில் கும்ப்ளே சிறந்த பந்துவீச்சு பட்டியலில் இரண்டாவது இடத்தில் உள்ளார். அனில் கும்ப்ளே 1993 இல் கொல்கத்தாவில் நடந்த ஒரு நாள் போட்டியில் மேற்கிந்திய தீவுகளுக்கு எதிராக 12 ரன்களுக்கு ஆறு விக்கெட்டுகளை வீழ்த்தினார்.
ஐபிஎல் பற்றி பேசுகையில், ஸ்டூவர்ட் பின்னி மொத்தம் 95 போட்டிகளில் விளையாடியுள்ளார். அதில் அவர் மொத்தம் 880 ரன்கள் எடுத்துள்ளார். 22 விக்கெட்டுகளையும் வீழ்த்தியுள்ளார். அவர் 2019 -ல் கடைசியாக ஐபிஎல் விளையாடினார்.
டெல்லி : இன்று நாடாளுமன்ற வளாகமே பரபரப்புக்கு பஞ்சமில்லாமல் இயங்கி வருகிறது. ஒருபக்கம், அம்பேத்கரை அமித்ஷா அவமதித்துவிட்டார் என காங்கிரஸ்…
ஆருத்ரா தரிசனம் என்றால் என்ன அதன் பலன்கள் மற்றும் சிறப்புகளை இந்த செய்து குறிப்பில் காணலாம் . சென்னை :சிவபெருமானுக்கு…
டெல்லி : இன்று நாடாளுமன்ற வளாகத்தில் காங்கிரஸ் உள்ளிட்ட எதிர்க்கட்சி எம்பிக்கள் மற்றும் பாஜக எம்பிக்கள் தனி தனியாக ஆர்ப்பாட்டத்தில்…
டெல்லி : போனை தயாரிக்கும் வளர்ச்சியில் இந்தியா தற்போது அசுரத்தனமான வளர்ச்சியை கண்டுள்ளதாக கூறப்படுகிறது. ஏனென்றால். இந்தியாவில் தயாரிக்கப்படும் மொபைல் போன்களை…
டெல்லி : இன்று நாடாளுமன்ற கூட்டத்தொடர் சமயத்தில் ஓடிசா மாநிலம் பால்சோர் மக்களவை தொகுதி பாஜக எம்பி பிரதாப் சந்திர…
சென்னை : சூர்யாவின் திரைப்பயணத்தில் இயக்குநர் பாலாவுக்கு மிகப்பெரிய பங்கு இருக்கிறது என்றே சொல்லலாம். அதற்கு முக்கியமான காரணமே சூர்யா ஆரம்ப…
