#IPL2022: ராகுல் திரிபாதி அதிரடி.. 7 விக்கெட் வித்தியாசத்தில் ஹைதராபாத் அணி வெற்றி!

ஐபிஎல் தொடரில் இன்று கொல்கத்தா அணிக்கு எதிரான போட்டியில் ஹைதராபாத் அணி, 7 விக்கெட் வித்தியாசத்தில் வெற்றி பெற்றுள்ளது.

ஐபிஎல் தொடரில் இன்று நடைபெற்ற போட்டியில் சன்ரைசர்ஸ் ஹைதராபாத் – கொல்கத்தா நைட் ரைடர்ஸ் அணிகள் மோதியது. இதில் டாஸ் வென்ற ஹைதராபாத் அணி பந்துவீச்சை தேர்வு செய்த நிலையில், முதலில் பேட்டிங் செய்த கொல்கத்தா அணி, 20 ஓவர்கள் முடிவில் 8 விக்கெட் இழப்பிற்கு 175 ரன்கள் எடுத்துள்ளது. 176 ரன்கள் எடுத்தால் வெற்றி என்ற இலக்குடன் ஹைதராபாத் அணியின் தொடக்க ஆட்டக்காரர்களாக அபிஷேக் சர்மா – கேன் வில்லியம்சன் களமிறங்கினார்கள்.

மெதுவாக ஆடிவந்த அபிஷேக் சர்மா 3 ரன்கள் எடுத்து வெளியேற, அவரையடுத்து ராகுல் திரிபாதி களமிறங்கினார். அவருடன் கேன் வில்லியம்சன் இணைந்து சிறப்பாக ஆடுவார் என்று எதிர்பார்க்கப்பட்ட நிலையில், 17 ரன்கள் எடுத்து வில்லியம்சன் தனது விக்கெட்டை இழந்தார். பின்னர் களமிறங்கிய ஏய்டன் மார்க்கம் ராகுல் திரிபாதியுடன் இணைந்து அதிரடியாக அடிவர, அணியின் ஸ்கொர் உயர்ந்தது.

இறுதியாக 71 ரன்கள் எடுத்து ராகுல் திரிபாதி தனது விக்கெட்டை இழக்க, 17.5 ஓவர்களில் 3 விக்கெட் எடுத்து 176 ரன்கள் எடுத்து 7 விக்கெட் வித்தியாசத்தில் ஹைதராபாத் அணி வெற்றிபெற்றுள்ளது. இந்த போட்டியில் வெற்றிபெற்றாலும், புள்ளிப்பட்டியலில் 7-ம் இடத்திற்கு பின்னுக்கு வந்தது. ரன்-ரேட் காரணமாக ஹைதராபாத் அணி, பின்னுக்கு வந்தது குறிப்பிடத்தக்கது.