தொடர் தோல்வி.. சென்னை அணியின் தொடக்க ஆட்டக்காரர் அதிரடி மாற்றம்!

சென்னை சூப்பர் கிங்ஸ் அணியின் தொடக்க ஆட்டக்காரராக “சுட்டிக் குழந்தை” சாம் கரண் களமிறங்கியுள்ளார்.

இன்றைய 29-வது போட்டியில் சன்ரைசர்ஸ் ஹைதராபாத் – சென்னை சூப்பர் கிங்ஸ் அணிகள், துபாய் சர்வதேச மைதானத்தில் மோதி வருகிறது. இந்த போட்டியில் டாஸ் வென்ற சென்னை அணி பேட்டிங் தேர்வு செய்தது.

அதன்படி தொடக்க ஆட்டக்காரர்களாக ஷேன் வாட்சன் – டு பிளெசிஸ் கூட்டணி களமிறங்கும் என எதிர்பார்க்கப்பட்ட நிலையில், முதல்முறையாக வாட்சன்க்கு பதிலாக சாம் கரண் களமிறங்கியுள்ளார். தொடர்ந்து தோல்விகளை சந்தித்து வரும் சென்னை அணி, சாம் கரண் களமிறங்கியதால் ரசிகர்கள் மகிழ்ச்சியடைந்தனர். மேலும், இன்றைய போட்டியில் சென்னை அணி தோல்வியை தழுவினால், தொடர்ந்து 5 போட்டிகளில் வெற்றி பெற்றால் மட்டுமே பிளே ஆப்ஸ் சுற்றுக்கு செல்ல வாய்ப்புள்ளது குறிப்பிடத்தக்கது.