வங்கதேசத்துக்கு எதிராக டெஸ்ட் தொடரில் விளையாடும் திருத்தப்பட்ட இந்திய அணி அறிவிப்பு.!

வங்கதேசத்துக்கு எதிரான டெஸ்ட் தொடருக்கான திருத்தப்பட்ட இந்திய அணி அறிவிக்கப்பட்டுள்ளது.

வங்கதேசத்தில் சுற்றுப்பயணம் செய்து இந்திய அணி, ஒருநாள் மற்றும் டெஸ்ட் போட்டிகள் கொண்ட தொடரில் விளையாடிவருகிறது. ஒருநாள் தொடரை 1-2 என்ற கணக்கில் இந்தியா தோல்வியடைந்துள்ளது. 2 டெஸ்ட் போட்டிகள் கொண்ட தொடர் வரும் டிச-14 ஆம் தேதி தொடங்குகிறது.

ஒருநாள் தொடரில் காயமடைந்த கேப்டன் ரோஹித் சர்மா முதல் டெஸ்டில் விளையாடமாட்டார் என்றும் அவருக்கு பதிலாக அபிமன்யு ஈஸ்வரன் அணியில் சேர்க்கப்பட்டுள்ளார். இரண்டாவது டெஸ்டில் ரோஹித் சர்மா விளையாடுவது குறித்து பின்னர் அறிவிக்கப்படும் என்று கூறப்பட்டுள்ளது.

மேலும் மொஹம்மது ஷமி மற்றும் ஜடேஜாவிற்கு பதிலாக நவ்தீப் சைனி மற்றும் சவுரப் குமார் ஆகியோர் சேர்க்கப்பட்டுள்ளனர். மேலும் ஜெயதேவ் உனட்கட் அணியில் கூடுதலாக சேர்க்கப்பட்டுள்ளார். கே.எல் ராகுல் அணிக்கு கேப்டனாக நியமிக்கப்பட்டுள்ளார்.

இந்திய அணி: கேஎல் ராகுல் (C), ஷுப்மன் கில், சேதேஷ்வர் புஜாரா (VC), விராட் கோலி, ஷ்ரேயாஸ் ஐயர், ரிஷப் பந்த் (W/K), கே.எஸ் பரத் (W/K), ரவிச்சந்திரன் அஷ்வின், அக்சர் படேல், குல்தீப் யாதவ், ஷர்துல் தாக்கூர், முகமது சிராஜ், உமேஷ் யாதவ், அபிமன்யு ஈஸ்வரன், நவ்தீப் சைனி, சௌரப் குமார், ஜெய்தேவ் உனத்கட்