மீண்டும் ஓய்வு அறிவிப்பு! ஸ்டோக்ஸ் மெசேஜ் அனுப்பினால் டெலிட் செய்து விடுவேன்.. மொயீன் அலி!

நடப்பாண்டுக்கான 5 போட்டிகளை கொண்ட டெஸ்ட் தொடரில் ஆஸ்திரேலியா மற்றும் இங்கிலாந்து அணிகள் மோதின. இதில், ஆஷஸ் டெஸ்ட் தொடரை ஆஸ்திரேலியா மற்றும் இங்கிலாந்து அணிகள் 2-2 என்ற வெற்றி கணக்கில் தொடரை சமன் செய்து யாருக்கும் வெற்றி தோல்வி இன்றி ஆஷஸ் தொடர் நேற்று நிறைவு பெற்றது. ஆஷஸ் டெஸ்ட் தொடரில் ஒரு போட்டி மழையால் ட்ராவில் முடிந்தது. இதனால் 2-2 என்ற கணக்கில் தொடர் சமனில் முடிந்தது.

இந்த நிலையில், இங்கிலாந்து ஆல்ரவுண்டர் மொயீன் அலி, ஆஷஸ் 2023 தொடர் முடிந்த பிறகு மீண்டும் ஒருமுறை டெஸ்ட் ஓய்வை அறிவித்தார். ஏற்கனவே 2021-ல் டெஸ்டில் இருந்து ஓய்வு பெற்ற மொயீன் அலி, இங்கிலாந்து டெஸ்ட் அணி கேப்டன் பென் ஸ்டோக்ஸ் கேட்டுக்கொண்டதால் நடந்து முடிந்த ஆஷஸ் தொடரில் விளையாடிய நிலையில், மீண்டும் டெஸ்டில் இருந்து ஓய்வை அறிவித்துள்ளார்.

இதுதொடர்பாக மொயீன் அலி கூறுகையில், நல்ல ஒரு கம்பேக் தொடராகவும், மறக்கமுடியாத தொடராகவும் ஆஷஸ் தொடர் அமைந்தது.  ஏற்கனவே டெஸ்டில் இருந்து ஓய்வை அறிவித்த பிறகு மீண்டும் வந்து டெஸ்ட் கிரிக்கெட் விளையாடுவேன், விக்கெட் வீழ்த்துவேன் என நினைக்கவில்லை. ஓய்வை பரிசீலனை செய்ய வேண்டும் என கேப்டன் பென் ஸ்டோக்ஸ் மெசேஜ் செய்த காரணத்தால் விளையாட வந்தேன். ஆனால், இதுவே எனது கடைசி டெஸ்ட் போட்டி. மீண்டும் பென் ஸ்டோக்ஸ் மெசேஜ் அனுப்பினால் அதனை டெலிட் செய்து விடுவேன் என கிண்டலாக கூறினார்.