RCBvsUPW : அனல் பறக்கும் பெங்களூரு அணியின் பந்துகள்..! திணறிய யூபி வாரியர்ஸ்..இதுவே இலக்கு…!

by செந்தில்குமார்Posted on March 15, 2023

பெங்களூரு அணிக்கு எதிராக முதலில் பேட் செய்த யூபி வாரியர்ஸ் அணி 135 ரன்கள் குவித்துள்ளது.

மகளிர் ஐபிஎல் தொடரின் 13-வது போட்டியில் ராயல் சேலஞ்சர்ஸ் பெங்களூரு பெண்கள் மற்றும் யூபி வாரியர்ஸ் அணிகள் விளையாடி வருகின்றன. இதில் டாஸ் வென்ற பெங்களூரு அணி, யூபி வாரியர்ஸ் அணிக்கு எதிராக பந்துவீச்சை தேர்வு செய்தது. இதன்படி முதலில் களமிறங்கிய யூபி வாரியர்ஸ் அணி, 19.3 ஓவர்களில் அனைத்து விக்கெட்டுகளை இழந்து 135 ரன்கள் எடுத்துள்ளது.

யூபி வாரியர்ஸ் அணியில் அதிகபட்சமாக கிரேஸ் ஹாரிஸ் 46 ரன்களும், தீப்தி சர்மா 22 ரன்களும், கிரண் நவ்கிரே 22 ரன்களும் குவித்துள்ளனர். பெங்களூரு அணியில் எல்லிஸ் பெர்ரி 3 விக்கெட்டுகளையும், ஆஷா ஷோபனா மற்றும் எஸ் டிவைன் தலா 2 விக்கெட்டுகளையும் வீழ்த்தியுள்ளனர். பெங்களூரு அணி வெற்றி பெற 136 ரன்கள் இலக்காக நிர்ணயிக்கப்பட்டுள்ளது.