“ரவி சாஸ்திரி இந்திய அணியின் பயிற்சியாளராக தொடருவார்” – ஆகாஷ் சோப்ரா விருப்பம்..!

ரவி சாஸ்திரி இந்திய அணியின் பயிற்சியாளராக தொடருவார் என்று ஆகாஷ் சோப்ரா விருப்பம் தெரிவித்துள்ளார்.

இலங்கைத் தொடர் ஆரம்பிப்பதற்கு முன்பே, இந்திய அணியின் அடுத்த பயிற்சியாளராக ராகுல் டிராவிட் இருக்க வேண்டும் என பலர் விரும்பினார்கள்.தற்போது ஒருநாள் தொடரில் வெற்றி பெற்ற பிறகு, அந்தக் குரல்கள் வலுவடைந்துள்ளன.ஏனெனில்,அவர் வீரர்களுடன் நல்ல உறவைக் கொண்டவர் மற்றும் இந்திய அணியில் உள்ள ஒவ்வொரு கிரிக்கெட் வீரர்களுடனும் பணியாற்றியுள்ளார்.

இதற்கிடையில்,இந்திய அணியின் முன்னாள் தொடக்க ஆட்டக்காரர் ஆகாஷ் சோப்ரா, டிராவிட் நிச்சயமாக பொறுப்பை ஏற்க முடியும்,ஆனால் ஒரு போட்டி உள்ளது என்று கூறினார்.

மேலும்,இது தொடர்பாக அவர் கூறுகையில்: “ராகுல் டிராவிட் தனது பெயரை அணியின் பயிற்சியாளர் பட்டியலில் சேர்க்கப் போகிறார் என்று நான் நினைக்கவில்லை. இந்தியாவின் பயிற்சியாளராக விரும்புவதாக ராகுல் சொன்னால் ஒரு போட்டி நிலவும்.ஆனால்,டிராவிட் விருப்பம் தெரிவிக்கவில்லை என்றால், யார் தனது பெயரை அந்த பட்டியலில் வைத்தாலும்,அவரால் ரவி சாஸ்திரிக்கு முன்னால் நிற்க முடியாது, அதைத்தான் நான் நம்புகிறேன்.

எனவே,பயிற்சியாளரை நியமிப்பதில் எந்த மாற்றமும் இருக்கும் என்று நான் நினைக்கவில்லை.இதனால்,ரவி சாஸ்திரி இந்திய அணியின் பயிற்சியாளராக தொடருவார் என்று நினைக்கிறேன்.இருப்பினும்,ஒரு செயல்முறைக்காக பயிற்சியாளருக்கான விண்ணப்பங்கள் மற்றவர்களிடமிருந்து வரவேற்கப்படுகின்றன “,என்று தெரிவித்தார்.

இதற்கிடையில்,முன்னாள் இந்திய வேகப்பந்து வீச்சாளரும், பந்துவீச்சு பயிற்சியாளருமான வெங்கடேஷ் பிரசாத் ஒரு ட்வீட் செய்துள்ளார்.அதில் அவர் கூறியிருப்பதாவது:”ராஜஸ்தான் கிரிக்கெட் அகாடமியில் இடம் பெற முயன்ற போது,தீபக் சாஹர் தனது உயரத்திற்காக  பயிற்சியாளர் கிரெக் சாப்பல் நிராகரிக்கப்பட்டார்.மேலும்,அவரை வேறு ஒரு தொழிலைப் பார்க்கும்படி பயிற்சியாளர் கூறினார்.

ஆனால்,விளையாட்டில் தனது முதன்மை திறன்கள் கூட இல்லாமல் தீபக் சாஹர் தற்போது இந்திய அணிக்கு வெற்றியை சேர்த்துள்ளார்.இதில் கருத்து என்னவென்றால் – “உங்களை நீங்கள் நம்புங்கள், வெளிநாட்டு பயிற்சியாளர்களை பெரிதாக எடுத்துக் கொள்ள வேண்டாம்”,என்று ட்வீட் செய்துள்ளார்.

இந்தியா vs இலங்கை- தீபக் சாஹர் :

இலங்கையில் சுற்றுப்பயணம் மேற்கொண்டுள்ள ஷிகர் தவான் தலைமையிலான இந்திய அணி தற்போது ஒருநாள் போட்டிகளில் விளையாடி வருகிறது.மேலும்,இப்போட்டிகளில் அணியின் முன்னாள் கிரிக்கெட் வீரர் டிராவிட் பயிற்சியாளராகவுள்ளார்.இரு அணிகளுக்கும் இடையேயான முதல் ஒரு நாள் போட்டியில் இந்திய அணி 263 ரன்கள் எடுத்து 7 விக்கெட்கள் வித்தியாசத்தில் வெற்றி பெற்றது.

இதனையடுத்து,2-வது ஒருநாள் போட்டி கொழும்பில் உள்ள ஆர்.பிரமதாச மைதனத்தில் நடைபெற்றது.அதன்படி,டாஸ் வென்ற இலங்கை அணி முதலில் பேட்டிங்கை தேர்வு செய்து 50 ஓவர் முடிவில் 9 விக்கெட்டை இழந்து 275 ரன்கள் எடுத்தனர்.

இதனையடுத்து,களமிறங்கிய இந்திய அணி 49.1 ஓவரில் 7 விக்கெட்டை இழந்து 277 ரன்கள் எடுத்து 3 விக்கெட் வித்தியாசத்தில் வெற்றி பெற்றது. தீபக் சாஹர் கடைசி வரை களத்தில் 69* ரன்களுடன் இருந்தார். அதில் 7 பவுண்டரி ஒரு சிக்சர் அடங்கும். 3 ஒருநாள் போட்டியில் இந்திய அணி 2-0 என்ற கணக்கில் வெற்றி பெற்றதால் தொடரை கைப்பற்றியது.

இரு அணிகளுக்கிடையேயான கடைசி போட்டி வருகின்ற 23-ஆம் தேதி நடைபெறுகிறது.