#T20 Worldcup Final: இங்கிலாந்து வெற்றி பெற 138 இலக்கு வைத்த பாகிஸ்தான் சம்காரன் அபார பந்துவீச்சு

ஐசிசி டி-20 உலகக்கோப்பை தொடரின் இறுதிப்போட்டியில் இங்கிலாந்திற்கு 138 இலக்கு வைத்த பாகிஸ்தான்.

ஆஸ்திரேலியாவில் நடந்து வரும் நடந்து வரும் எட்டாவது ஐசிசி டி20 உலக கோப்பையின் இறுதிப்போட்டியில்  இன்று மெல்போர்னில் பாகிஸ்தான் மற்றும் இங்கிலாந்து அணிகள் மோதுகின்றன.

டாஸ் வென்று இங்கிலாந்து அணி பந்து வீச்சை தேர்வு செய்தது இதனைத்தொடர்ந்து களமிறங்கிய பாகிஸ்தான் அணி 20 ஓவர்கள் முடிவில் 8 விக்கெட் இழப்பிற்கு 137 ரன்களை எடுத்துள்ளது.

தொடக்க ஆட்டக்காரர்களாக களமிறங்கிய முகமது ரிஸ்வான்(15), பாபர் ஆசம்(32)  ரன்களுக்கு ஆட்டமிழந்து வெளியேற முகமது ஹரீஸ்(8), ஷான் மசூத்(38) சற்று நிதான ஆட்டத்தை வெளிப்படுத்தினார்.அதன் பின்னர் இப்திகார் அகமது(0), ஷதாப் கான்(20),முகமது நவாஸ்(5), முகமது வாசிம்($) எடுத்து ஆட்டமிழந்தனர்.

இங்கிலாந்து பந்துவீச்சாளர்களில் சாம் கர்ரன் 3 விக்கெட்களையும் , கிறிஸ் ஜோர்டான், அடில் ரஷித் தலா 2 விக்கெட்டையும் ,பென் ஸ்டோக்ஸ் ஒரு விக்கெட்டையும் வீழ்த்தினர் .

சிட்னியில் நடைபெற்ற முதல் அரை இறுதியில் பாகிஸ்தான் அணி 7 விக்கெட் வித்தியாசத்தில் நியூசிலாந்து அணியையும், அடிலெய்டில் நடைபெற்ற இரண்டாவது அரை இறுதி போட்டியில் இங்கிலாந்து அணி 10 விக்கெட் வித்தியாசத்தில் இந்திய அணியையும் வீழ்த்தி இறுதிப்போட்டிக்குள் நுழைந்தது.

இரு அணிகளிலும் விளையாடும் வீரர்கள் விவரம் பின்வருமாறு,

இங்கிலாந்து அணி: ஜோஸ் பட்லர்(w/c), அலெக்ஸ் ஹேல்ஸ், பிலிப் சால்ட், பென் ஸ்டோக்ஸ், ஹாரி புரூக், லியாம் லிவிங்ஸ்டோன், மொயீன் அலி, சாம் கர்ரன், கிறிஸ் வோக்ஸ், கிறிஸ் ஜோர்டான், அடில் ரஷித்

பாகிஸ்தான் அணி: பாபர் அசாம்(c), முகமது ரிஸ்வான்(w), முகமது ஹாரிஸ், ஷான் மசூத், இப்திகார் அகமது, ஷதாப் கான், முகமது நவாஸ், முகமது வாசிம் ஜூனியர், நசீம் ஷா, ஹாரிஸ் ரவுஃப், ஷாஹீன் அப்ரிடி