புள்ளிப் பட்டியலில் முதலிடம் பெற போட்டிப் போடும் மும்பை – டெல்லி அணிகள்.. வெற்றி பெறப்போவது யார்?

ஐபிஎல் தொடரில் இன்று நடைபெறவுள்ள 27 ஆம் போட்டியில் மும்பை இந்தியன்ஸ் – டெல்லி கேபிட்டல்ஸ் அணிகள் மோதவுள்ளது.

ஐபிஎல் தொடர் சுவாரசியமாக நடைபெற்று வரும் நிலையில், இன்று பகல் – இரவு என இரண்டு ஆட்டங்கள் நடைபெறவுள்ளது. அதில் இரவு 7.30 மணிக்கு நடைபெறவுள்ள 27 ஆம் போட்டியில் மும்பை இந்தியன்ஸ் – டெல்லி கேபிட்டல்ஸ் அணிகள் மோதவுள்ளது. இந்த போட்டி, அபுதாபி மைதானத்தில் நடைபெறவுள்ளது.

டெல்லி மற்றும் மும்பை அணி, ஐபிஎல் தொடரில் இதுவரை 24 முறை நேருக்கு நேர் மோதியுள்ளது. அதில் டெல்லி அணி 12 முறையும், மும்பை அணி 12 முறையும் மோதியுள்ளது.மேலும், நடப்பாண்டு ஐபிஎல் தொடரில் 6 போட்டிகளில் விளையாடிய டெல்லி அணி, 5 போட்டிகளில் வெற்றிபெற்று முதல் இடத்திழும், மும்பை அணி இரண்டாம் இடத்தில் உள்ளது.

இந்தநிலையில், இன்று நடக்கவுள்ள போட்டிகளில் இரண்டு அணிகளும் தீவிரமாக பயிற்சி பெற்றுவரும் நிலையில், புல்லிபட்டியலில் முதலிடம் பிடிக்க இரண்டு அணிகளும் தீவிரமாக விளையாடும் என ரசிகர்கள் எதிர்பார்த்துக்கொண்டு காத்திருக்கின்றனர்.