வெற்றிபெறுமா சென்னை.. முதலில் பேட்டிங் செய்ய காத்திருக்கும் சென்னை!

ஐபிஎல் தொடரின் 41 ஆம் போட்டியான இன்று, மும்பை இந்தியன்ஸ் – சென்னை சூப்பர் கிங்ஸ் அணிகள் மோதவுள்ளது.

ஐபிஎல் தொடர் விறுவிறுப்பாக நடைபெற்று வரும் நிலையில், இன்று நடைபெறும் 41 ஆம் போட்டியில் 3-வது இடத்தில் உள்ள மும்பை இந்தியன்ஸ் – இறுதி இடத்தில் உள்ள சென்னை சூப்பர் கிங்ஸ் அணியுடன் மோதவுள்ளது. இந்த போட்டி ஷார்ஜாவில் நடைபெறவுள்ள நிலையில், இதில் டாஸ் வென்ற மும்பை அணி பந்துவீச்சை தேர்வு செய்துள்ளது.

இன்று நடைபெறவுள்ள இந்த போட்டியில் ரோஹித் ஷர்மா காயம் காரணமாக விலகிய நிலையில், இன்று பொல்லார்ட் கேப்டன் பதவியை வகிக்கிறார். இந்தநிலையில், சென்னை அணியில் நீண்ட நாட்களாக எதிர்பார்க்கப்பட்ட பெரிய மாற்றங்கள், இன்று செய்யப்பட்டுள்ளது.

விளையாடும் வீரர்கள்:

சென்னை சூப்பர் கிங்ஸ்:

சாம் கரண், ஃபாப் டு பிளெசிஸ், அம்பதி ராயுடு, ஜெகதீசன், தோனி (கேப்டன் விக்கெட் கீப்பர்), ருத்ராஜ் கெய்க்வாட், ரவீந்திர ஜடேஜா, தீபக் சாஹர், ஷார்துல் தாகூர், ஜோஷ் ஹேசில்வுட், இம்ரான் தாஹிர்.

மும்பை இந்தியன்ஸ்:

டி காக் (விக்கெட் கீப்பர்), சவுரப் திவாரி, சூர்யகுமார் யாதவ், இஷான் கிஷன், ஹார்டிக் பாண்ட்யா, கீரோன் பொல்லார்ட் (கேப்டன்), கிருனல் பாண்டியா, நாதன் கூல்டர்-நைல், ராகுல் சாஹர், ட்ரெண்ட் போல்ட், ஜஸ்பிரீத் பும்ரா.