#IPL2022: முதல் வெற்றியை கைப்பற்றுமா மும்பை இந்தியன்ஸ் அணி? பெரும் எதிர்பார்ப்பில் ரசிகர்கள்!

ஐபிஎல் தொடரில் இன்று நடைபெறும் 26-வது போட்டியில் மும்பை இந்தியன்ஸ் – மும்பை இந்தியன்ஸ் அணிகள் மோதவுள்ளது.

ஐபிஎல் திருவிழா விறுவிறுப்பாக நடைபெற்று வரும் நிலையில், இன்று நடைபெறும் 26-வது போட்டியில் ரோஹித் சர்மா தலைமையிலான மும்பை இந்தியன்ஸ் அணியும், கே.எல்.ராகுல் தலைமையிலான லக்னோ சூப்பர் ஜெயன்ட்ஸ் அணிகள் மோதவுள்ளது. இந்த போட்டி, மும்பை ப்ரபோன் மைதானத்தில் இன்று இரவு 7:30 மணிக்கு தொடங்கவுள்ளது.

நடப்பாண்டு ஐபிஎல் தொடரில் இவ்விரு அணிகளும் 4 போட்டிகள் விளையாடியுள்ளது. அதில் மும்பை இந்தியன்ஸ் அணி, ஒரு போட்டியில் கூட வெற்றிபெறவில்லை. இதனால் புள்ளிப்பட்டியலில் கடைசி இடத்தில் உள்ளது. மேலும், இன்றைய போட்டியில் மும்பை அணி வெற்றிபெறவேண்டிய கட்டாயத்தில் உள்ளது. அதேபோல லக்னோ சூப்பர் ஜெயன்ட்ஸ் அணி, 5 போட்டிகளில் விளையாடி 3 போட்டிகளில் வெற்றிபெற்று, புள்ளிப்பட்டியலில் 5-ம் இடத்தில் உள்ளது. இந்த போட்டியில் வெற்றிபெற்றால் லக்னோ அணி புள்ளிப்பட்டியலில் முன்னேறும் என்பதால் இன்றைய போட்டி சிறப்பாக இருக்கும் என்றும், மும்பை அணி இன்றைய போட்டியில் நிச்சியம் வெற்றிபெறும் என்றும் ரசிகர்கள் எதிர்பார்க்கின்றனர்.