ஐபிஎல் தொடரில் இன்று நடைபெறவுள்ள 13-ம் போட்டியில் மும்பை இந்தியன்ஸ் – டெல்லி கேபிட்டல்ஸ் அணிகள் மோதவுள்ளது. இந்த போட்டி, சென்னையில் நடைபெறவுள்ளது.
ஐபிஎல் தொடர் விறுவிறுப்பாக நடைபெற்று வரும் நிலையில், இன்று நடைபெறும் 13-ம் போட்டியில் ரோஹித் சர்மா தலைமையிலான மும்பை இந்தியன்ஸ் அணியும், ரிஷப் பந்த் தலைமையிலான டெல்லி கேபிட்டல்ஸ் அணிகள் மோதவுள்ளது. இந்த போட்டி, சென்னை சேப்பாக்கம் மைதானத்தில் இரவு 7:30 மணிக்கு தொடங்கவுள்ளது.
ஐபிஎல் தொடரில் மும்பை-டெல்லி அணிகள், இதுவரை 28 போட்டிகளில் நேருக்கு நோ் மோதியுள்ளது. இதில் மும்பை அணி 16 போட்டிகளிலும், டெல்லி அணி 12 போட்டிகளிலும் வெற்றி பெற்றுள்ளது. மேலும் நடப்பு சீசனில் இரு அணிகளுமே 3 போட்டிகளில் விளையாடி, 2 போட்டிகளில் வெற்றிபெற்றுள்ள நிலையில், இன்றைய போட்டி சூடுபிடிக்கும் என்று எதிர்பார்க்கலாம்.
மும்பை இந்தியன்ஸ் அணி:
முதல் போட்டியில் தோல்வியடைந்த மும்பை அணி, அடுத்த இரண்டு போட்டிகளில் அதிரடியாக வெற்றிபெற்றுள்ளது. தொடக்கத்தில் ரோஹித், டி காக் நல்ல தொடக்கத்தை கொடுத்து வரும் நிலையில், மிடில் ஆர்டரில் களமிறங்கும் சூா்யகுமாா் யாதவ், இஷான் கிஷண், கிரன் பொல்லாா்ட், ஹர்திக் பாண்டியா சிறப்பாக ஆடவேண்டிய நிலையில் உள்ளனர். ராகுல் சாஹர், போல்ட், பும்ரா ஆகியோர் அதிரடியாக பந்துவீசும் நிலையில், ஹர்திக் பாண்டியாவின் பீல்டிங், அணிக்கு பெரிய பலமாக உள்ளது.
டெல்லி கேபிட்டல்ஸ் அணி:
டெல்லி அணியின் தொடக்க ஆட்டக்காரர் ஷிகா் தவன் அதிரடி பாா்மில் இருந்து வருகிறார். இது அந்த அணிக்கு பலமாக இருக்கிறது. அவரைதொடர்ந்து களமிறங்கிய பிருத்வி ஷா, இன்னும் சிறப்பாக ஆடவேண்டிய நிலையில் இருக்கின்றார். அவரைதொடர்ந்து களமிறங்கும் ஸ்மித், நிதானமாக ஆடிவரும் நிலையில், அவருக்கு பத்தில் ரஹானேவை களமிறக்க வாய்ப்புள்ளது.
அவரையடுத்து களமிறங்கும் ரிஷப் பந்த் சிறப்பாக ஆடிவருகிறார். ஆல்-ரவுண்டா்கள் வரிசையில் ஸ்டாய்னிஸ், லலித் அணிக்கு கூடுதல் பலம் சேர்க்கும் நிலையில், ரபாடா, வோக்ஸின் அதிரடி பந்துவீச்சு, எதிரணியை திணறவைக்கும் நிலையில், சுழற்பந்துவீச்சில் அமித் மிஸ்ரா, அஸ்வின், துபே கூடுதல் பலம் சேர்க்கின்றனர்.
லார்ட்ஸ் : இங்கிலாந்து அணியின் முக்கிய தூணாக விளங்கும் வேக பந்து வீச்சாளரான ஜோப்ரா ஆர்ச்சர் கடந்த 2019 உலகக் கோப்பை…
சென்னை : இங்கிலாந்து மற்றும் ஆஸ்திரேலியா அணிகளுக்கே இடையே நடைபெற்று வரும் ஒருநாள் தொடரில் நேற்று 4-வது போட்டியானது நடைபெற்றது.…
டெல்லி : இலங்கையில் புதிய ஆட்சி அமைந்த பின் இலங்கை கடற்படையினரின் ரோந்து அதிகரித்திருப்பதாக தமிழக மீனவர்கள் புகார்கள் அதிகரித்துள்ளது.…
பெங்களூரு : தேர்தல் பத்திரங்கள் மூலம் பிரதான அரசியல் கட்சிகள் தேர்தல் நிதி (நன்கொடை) பெற்றுக்கொள்ளலாம் என்ற விதிமுறையை கடந்த…
காலி : நியூஸிலாந்து அணி இலங்கை அணியுடன் 2 டெஸ்ட் போட்டிகள் அடங்கிய சுற்றுப்பயணத் தொடரை விளையாடி வருகிறது. இந்த…
சென்னை : ஜெயம் ரவி தன்னுடைய மனைவி ஆர்த்தியை விவாகரத்து செய்வதாகக் கடந்த சில நாட்களுக்கு முன்பு அறிவித்து இருந்தார்.…
