ஜடேஜா அதிரடி வீணானது! கடைசிவரை போராடி தோல்வியடைந்த இந்திய அணி !

நேற்றைய முதல் அரையிறுதி போட்டியில் இந்திய அணியும் , நியூஸிலாந்து அணியும் மோதியது.இப்போட்டி மான்செஸ்டரில் உள்ள எமிரேட்ஸ் ஓல்ட் டிராஃபோர்ட் மைதானத்தில் நடைபெற்றது.இப்போட்டியில் டாஸ் வென்ற நியூஸிலாந்து அணி பேட்டிங் தேர்வு செய்தது.

நியூஸிலாந்து அணி நேற்று 46.1 ஓவரில் 5 விக்கெட்டை இழந்து 211 ரன்கள் இருந்த நிலையில் மழை பெய்ததால் போட்டி நிறுத்தப்பட்டு மீண்டும் இன்று போட்டி தொடங்கியது. தொடர்ந்து விளையாடிய நியூஸிலாந்து அணி 50 ஓவரில் 8 விக்கெட்டை இழந்து  239 ரன்கள் எடுத்தது.

240 ரன்களுடன் களமிறங்கிய இந்திய அணியின் தொடக்க வீரர்களாக ரோஹித் ,கே.எல் ராகுல் இருவரும் களமிங்கினர்.ஆட்டம் தொடக்கத்தில் நிதானமாக விளையாடிய ரோஹித் 4 பந்தில்  1 ரன் எடுத்து வெளியேறினார்.

பின்னர்  களமிறங்கிய கேப்டன் கோலி  6 பந்தில் 1 ரன்னுடன்  வெளியேறினர். அடுத்ததாக கே.எல் ராகுலும் 1 ரன்னுடன் வெளியேற  3 விக்கெட்டை இழந்து 5 ரன்கள் எடுத்து இந்திய அணி திணறி வந்தது.

அப்போது தினேஷ் கார்த்திக்  , ரிஷாப் பண்ட் இருவரும் களமிறங்க நிதானமாக விளையாடி வந்த தினேஷ் கார்த்திக் 6 ரன்னில் அவுட் ஆனார்.பின்னர் இறங்கிய ஹர்திக் , ரிஷாப் பண்ட் இருவரின் கூட்டணியில் அணியின் எண்ணிக்கை உயர்ந்தது.

சிறப்பாக விளையாடி வந்த ரிஷாப் பண்ட் 32 ரன்னில் வெளியேறினார். இறுதியாக தோனி , ஜடேஜா இவர்கள்  கூட்டணியில் இணைய ஜடேஜா அதிரடி  ஆட்டத்தை வெளிப்படுத்தி வந்தார்.

இவர்கள் இருவரின் கூட்டணியில் சத்தத்தை எட்டியது. இறுதியாக இந்திய அணி 50 ஓவர் முடிவில் அனைத்து விக்கெட்டையும் இழந்து 221 ரன்கள் எடுத்து 18 ரன்கள் வித்தியாசத்தில் தோல்வியடைந்தது.