#IPL2022: பெங்களூரு அணியை வீழ்த்தி திரில் வெற்றி பெற்றது குஜராத் அணி..!

20 ஓவரில் 174 ரன்கள் எடுத்து பெங்களூரு அணியை குஜராத் டைட்டன்ஸ் அணி வீழ்த்தியது.

ஐபிஎல் தொடரின் இன்றைய 43வது லீக் போட்டியில் குஜராத் டைட்டன்ஸ் அணியும், ராயல் சேலஞ்சர்ஸ் பெங்களூர் அணியும் விளையாடி வருகிறது. மும்பை பிரபோர்ன் ஸ்டேடியத்தில் நடைபெறும் இப்போட்டியில் டாஸ் வென்ற ராயல் சேலஞ்சர்ஸ் பெங்களூர் முதலில் பேட்டிங் தேர்வு செய்தது.  பெங்களூர் அணி 20 ஓவர் முடிவில் 6 விக்கெட் இழப்புக்கு பெங்களூரு அணி 170 ரன்களை மட்டுமே எடுத்தது. அதிகபட்சமாக விராட் கோலி 54, ரஜத் படிதார்  52 ரன்களை எடுத்தனர்.

இதனை தொடர்ந்து களமிறங்கிய குஜராத் அணி ஆரம்பத்தில் தடுமாறியது. சீரான இடைவெளியில் விக்கெட்டுகளை இழந்துவந்தது. விருத்திமான் சஹா 29 ரன்களில் விக்கெட்டை இழந்தார். ஷுப்மான் கில் 31 ரன்கள் எடுத்தார். அதிகபட்சமாக டேவிட் மில்லர் 39 ரன்களும், ராகுல் டெவாடியா 43 ரன்களும் எடுத்தனர். 20 ஓவர் முடிவில் குஜராத் அணி 4 விக்கெட் இழப்பிற்கு 174 ரன்கள் எடுத்து ராயல் சேலஞ்சர்ஸ் பெங்களூரு அணியை வீழ்த்தி வெற்றி பெற்றது.