இரு அணிகளுமே ஒரு வெற்றி,ஒரு தோல்வி!இன்று வெற்றிபெறப்போவது மும்பை அணியா?பஞ்சாப் அணியா?

இன்று நடைபெறும் 9  ஐபில் போட்டியில் கிங்ஸ் லெவன் பஞ்சாப் அணி-மும்பை இந்தியன்ஸ் அணிகள் மோதுகின்றது.

2019 ஆம் ஆண்டிற்கான ஐபில் போட்டி கடந்த 23 ஆம் தேதி தொடங்கியது.இந்த வகையில் இன்று நடைபெறும் 9  ஐபில் போட்டியில் கிங்ஸ் லெவன் பஞ்சாப் அணி-மும்பை இந்தியன்ஸ் அணிகள் மோதுகின்றது.இந்த போட்டி மொஹாலியில் உள்ள பிந்த்ரா மைதானத்தில் நடைபெறுகிறது.

இந்த ஆண்டு மும்பை அணி தனது முதல் ஆட்டத்தில் 37 ரன்கள் வித்தியாசத்தில் டெல்லி கேபிடல்ஸ் அணியிடம் தோல்வியடைந்தது.ஆனால் இரண்டாவதாக பெங்களூரு அணியுடன் மோதியது.இந்த ஆட்டத்தில் பெங்களூரு அணியை 6 ரன்கள் வித்தியாசத்தில் வீழ்த்தியது.

அதேபோல் கிங்ஸ் லெவன் பஞ்சாப் அணியை எடுத்துக்கொண்டால் அஸ்வினின் செய்த மன்கட் விக்கெட் பெரும் சர்சையை ஏற்படுத்தியது.இருந்தாலும் இந்த ஆட்டத்தில் கிங்ஸ் லெவன் பஞ்சாப் அணி 14 ரன்கள் வித்தியாசத்தில் வெற்றிபெற்றிருந்தது.அதேபோல் இரண்டாவதாக கொல்கத்தா அணியுடன் கிங்ஸ் லெவன் பஞ்சாப் அணி அணி மோதியது.இந்த ஆட்டத்தில் கிங்ஸ் லெவன் பஞ்சாப் அணி 28 ரன்கள் வித்தியாசத்தில் தோல்வியை தழுவியது.

இந்நிலையில் இன்று இரண்டு அணிகளுமே இந்த போட்டி மூன்றாவது போட்டி ஆகும்.இந்த போட்டியில் இரு அணிகளுமே வெற்றி பெற வேண்டிய நிலையில் உள்ளது.வெற்றிபெற்றால் தான் புள்ளிகள் பட்டியலில் முன்னிலை பெற முடியும்.