ராஜஸ்தான் ராயல்ஸ் – மும்பை இந்தியன்ஸ் அணிகள் ஐபிஎல் தொடரில் 21ஆட்டத்தில் ஜெய்ப்பூரில் இன்று நடைபெறும் ஆட்டத்தில் மோதுகின்றன.
3 முறை சாம்பியனான மும்பை அணி இந்த சீசனை மோசமாக தொடங்கியது. முதல் 3 ஆட்டங்களில் தோல்வியை சந்தித்த நிலையில் ராயல் சேலஞ்சர்ஸ் பெங்களூரு அணிக்கு எதிரான கடைசி ஆட்டத்தில் 46 ரன்கள் வித்தியாசத்தில் வெற்றி பெற்று புத்துயிர் பெற்றுள்ளது. அந்த ஆட்டத்தில் முதல் இரு பந்துகளில் 2 விக்கெட்களை இழந்த போதிலும் தொடக்க வீரரான எவின் லீவிஸூடன் இணைந்து கேப்டன் ரோஹித் சர்மா அணியை மீட்டெடுத்தார்.
6 ரன்களில் சதத்தை தவறவிட்டிருந்த ரோஹித் சர்மாவிடம் இருந்து மீண்டும் ஒரு சிறப்பான ஆட்டம் வெளிப்படக்கூடும். இதேபோல் 65 ரன்கள் விளாசிய எவின் லீவிஸூம் மிரட்டக் காத்திருக்கிறார்.
