விராட் கோலிக்கு கிடைக்குமா கேல் ரத்னா விருது ?

பிசிசிஐ ,இந்திய கிரிக்கெட் அணியின் கேப்டன் விராட் கோலிக்கு கேல் ரத்னா விருது வழங்க  மத்திய அரசுக்கு பரிந்துரைத்துள்ளது.

இந்தியாவில் விளையாட்டு துறையில் சாதனை புரிந்தவர்களுக்கு உயரிய விருதான ராஜீவ் காந்தி கேல் ரத்னா விருது வழங்கப்பட்டு வருகிறது. இந்த ஆண்டிற்கான கேல் ரத்னா விருதுக்கு கிரிக்கெட் வீரர் விராட் கோலியின் பெயரை பிசிசிஐ பரிந்துரைத்துள்ளது.

இந்திய கிரிக்கெட் அணியில் தொடர்ந்து சிறப்பான ஆட்டத்தை வெளிப்படுத்தி வரும் கோலியின் பெயரை கடந்த ஆண்டும் கேல் ரத்னா விருதுக்கு பி.சி.சி.ஐ. பரிந்துரை செய்திருந்தது.

மேலும், முன்னாள் கிரிக்கெட் வீரர் சுனில் கவாஸ்கருக்கு விளையாட்டுத் துறையில் வாழ்நாள் சாதனைக்கான தயான் சந்த் விருதும் வழங்க பரிந்துரைக்கப்பட்டுள்ளது.
கிரிக்கெட் வீரர் ஷிகர் தவான், மகளிர் கிரிக்கெட் வீராங்கனை ஸ்மிருதி மந்தனா ஆகியோருக்கு அர்ஜூனா விருது வழங்கவும் பிசிசிஐ பரிந்துரை செய்துள்ளது.

மேலும் செய்திகளுக்கு தினச்சுவடுடன் இணைந்திருங்கள்.