சென்னையில் ஐபிஎல் டிக்கெட்கள் விற்பனை இன்று தொடக்கம்.!
ஐபிஎல் இல் சிஎஸ்கே-லக்னோ போட்டிக்கான டிக்கெட் விற்பனை இன்று சென்னையில் காலை தொடங்குகிறது.
இந்தியாவின் கிரிக்கெட் திருவிழாவாக கருதப்படும் இந்த ஆண்டிற்கான ஐபிஎல் தொடர் வரும் மார்ச் 31இல் தொடங்குகிறது. 10 அணிகள் மோதும் இந்த ஐபிஎல் தொடர் கிட்டத்தட்ட 2 மாதங்கள் நடைபெறும். மார்ச் 31இல் நடைபெறும் முதல் போட்டியிலேயே சென்னை மற்றும் குஜராத் அணிகள் மோதுகின்றன.
இந்த ஆண்டு தொடரில் மீண்டும் பழைய முறைப்படி ஹாம் மற்றும் அவே போட்டிகள் என நடைபெறுகிறது. இந்த தொடரில் சென்னை சேப்பாக்கத்தில் நடைபெரும் முதல் போட்டிக்கான டிக்கெட் விற்பனை இன்று காலை 9.30க்கு தொடங்குகிறது.
வரும் ஏப்ரல் 3 ஆம் தேதி சேப்பாக்கத்தில் சிஎஸ்கே மற்றும் லக்னோ அணிகள் மோதும் போட்டிக்கான டிக்கெட் விற்பனை இன்று காலை சென்னையில் தொடங்குகிறது, இதற்காக ரசிகர்கள் நீண்ட வரிசையில் காத்திருந்து டிக்கெட் பெறும் ஆவலுடன் எதிர்பார்த்துள்ளனர்.
டிக்கெட்கள் ரூ.1500 முதல் ரூ.3000 வரை ஒவ்வொரு ஸ்டான்ட் களுக்கும் ஏற்ப விற்பனை செய்யப்படுகிறது.
