IPL RR vs LSG: ராஜஸ்தான் மிரட்டல் பந்துவீச்சு; 154 ரன்கள் அடித்த லக்னோ.!

ஐபிஎல் தொடரின் இன்றைய RR vs LSG போட்டியில், லக்னோ அணி முதலில் பேட் செய்து 154/7 ரன்கள் குவித்துள்ளது.

16-வது ஐபிஎல் தொடரின் இன்றைய போட்டியில் ராஜஸ்தான் ராயல்ஸ் மற்றும் லக்னோ சூப்பர் ஜெயன்ட்ஸ் அணிகள் ஜெய்ப்பூரில் உள்ள சவை மன்சிங் ஸ்டேடியத்தில் விளையாடி வருகின்றன. இதில் டாஸ் வென்ற ராஜஸ்தான் ராயல்ஸ் கேப்டன் சஞ்சு சாம்சன், முதலில் லக்னோ அணியை பேட்டிங் செய்ய அழைத்தார்.

இதன்படி முதலில் களமிறங்கிய லக்னோ அணிக்கு, ராகுல் மற்றும் மேயர்ஸ் நல்ல தொடக்கம் அமைத்துக் கொடுத்தனர். சிறப்பாக விளையாடிக் கொண்டிருந்த கேப்டன் ராகுல் 39 ரன்களில் ஆட்டமிழந்தார். அவரைத்தொடர்ந்து படோனி(1) மற்றும் தீபக் ஹூடா(2) ரன்களில் வந்த வேகத்தில் விக்கெட்டை இழந்து வெளியேறினர்.

மறுபுறம் அரைசதம் அடித்த நிலையில் மேயர்ஸ்(51 ரன்கள்) அஸ்வின் பந்தில் போல்டாகி விக்கெட்டை பறிகொடுத்தார். அதன்பிறகு ஸ்டோனிஸ்(21 ரன்கள்) மற்றும் பூரன்(28 ரன்கள்) இருவரும் இணைந்து அணியின் ஸ்கோரை ஓரளவு உயர்த்தினர். முடிவில் லக்னோ அணி 20 ஓவர்களில் 7 விக்கெட்டை இழந்து 154 ரன்கள் குவித்துள்ளது. ராஜஸ்தான் அணி தரப்பில், அஸ்வின் 2 விக்கெட்களை வீழ்த்தினார்.