ஐபிஎல் இறுதிப்போட்டி… இன்றும் மழை வந்தால் என்ன நடக்கும்.?

ஐபிஎல் இறுதிப்போட்டியின் இரண்டாவது நாளான இன்றும் மழை குறுக்கிட்டால் குஜராத் அணி வென்றதாக அறிவிக்கப்படும்.

ஐபிஎல் 16-வது சீசனின் இறுதிப்போட்டி நேற்று குஜராத் நரேந்திரமோடி ஸ்டேடியத்தில் நடைபெறுவதாக இருந்த நிலையில், மழையால் ரிசர்வ் தினமாக பைனல் இன்று ஒத்திவைக்கப்பட்டுள்ளது. குஜராத்தில் சில தினங்களாக வானிலை மோசமாக இருப்பதாக ஐபிஎல் இறுதிப்போட்டியின் போதும் மழை வரலாம் என்று கூறப்படுகிறது.

இந்நிலையில் ரிசர்வ் தினமான இன்றும் மழை குறுக்கிட்டால் ஐபிஎல் விதிகளின் படி, புள்ளிப்பட்டியலில் முதலிடம் இருக்கும் குஜராத் அணியே இந்த வருட சாம்பியன் பட்டத்தை வென்றதாக அறிவிக்கப்படும். எனினும் இன்றைய போட்டியில் முடிவானது ஆட்டம் விளையாடப்பட்டு, சாம்பியன் பட்டம் யார் என்பது அறிவிக்கப்பட வேண்டும் என ரசிகர்கள் பெரிதும் எதிர்பார்ப்பில் இருக்கின்றனர்.