IPL CSK vs SRH : டாஸ் வென்று சென்னை அணி முதலில் பந்துவீச்சு தேர்வு.!

ஐபிஎல் தொடரின் இன்றைய CSK vs SRH போட்டியில் டாஸ் வென்ற சென்னை அணி முதலில் பவுலிங்.

16-வது சீசன் ஐபிஎல் தொடரின் இன்றைய போட்டியில் சென்னை சூப்பர் கிங்ஸ் மற்றும் சன்ரைசர்ஸ் ஹைதராபாத் அணிகள் சென்னையில் உள்ள சேப்பாக்கம் மைதானத்தில் விளையாடுகின்றன. இந்த இரு அணிகளும் இதுவரை நேருக்குநேர் மோதிய 18 போட்டிகளில் சென்னை அணியே 13 முறை வென்று முன்னணியில் இருக்கிறது. ஹைதராபாத் அணி 5 முறை மட்டுமே சென்னை அணியை வென்றிருக்கிறது.

மேலும், சென்னை அணி இதுவரை விளையாடியுள்ள 5 போட்டிகளில் 3 போட்டிகளில் வெற்றி பெற்றுள்ளது. இதனால் புள்ளிப்பட்டியலில் சென்னை அணி மூன்றாவது இடத்தில் உள்ளது. ஹைதராபாத் அணி, இதுவரை நடந்த 5 போட்டிகளில் 2 போட்டிகளில் வென்று புள்ளி பட்டியலில் 9 வது இடத்தில் உள்ளது.

இன்றைய போட்டி சென்னையின் கோட்டையான சேப்பாக்கம் மைதானத்தில் நடைபெறுவதால் இப்போட்டி சென்னை சூப்பர் கிங்ஸ் அணிக்கு சாதகமாக இருக்கும் என்று எதிர்பார்க்கப்படுகிறது. இந்நிலையில் டாஸ் வென்ற சென்னை அணி முதலில் பந்துவீச்சை தேர்வு செய்துள்ளது. 

சென்னை அணி:

ருதுராஜ் கெய்க்வாட், டெவோன் கான்வே, அஜிங்க்யா ரஹானே, ஷிவம் துபே, மொயீன் அலி, ரவீந்திர ஜடேஜா, எம்எஸ் தோனி(w/c), மகேஷ் தீக்ஷனா, துஷார் தேஷ்பாண்டே, ஆகாஷ் சிங், மதீஷா பத்திரனா

ஹைதராபாத் அணி:

ஹாரி புரூக், மயங்க் அகர்வால், ராகுல் திரிபாதி, ஐடன் மார்க்ரம்(C), ஹென்ரிச் கிளாசென்(W), அபிஷேக் சர்மா, வாஷிங்டன் சுந்தர், மார்கோ ஜான்சன், புவனேஷ்வர் குமார், மயங்க் மார்கண்டே, உம்ரான் மாலிக்