#IPL Breaking: பெங்களூரு அணி அபார பந்துவீச்சு; டெல்லி அணிக்கு தொடர் தோல்வி.!

ஐபிஎல் தொடரின் இன்றைய RCB vs DC போட்டியில், பெங்களூரு அணி 23 ரன்கள் வித்தியாசத்தில் அபார வெற்றி.

16-வது  ஐபிஎல் தொடரின் இன்று 2 போட்டிகள் நடைபெறுகிற நிலையில், 3.30 மணிக்கு நடைபெற்ற போட்டியில் ராயல் சேலஞ்சர்ஸ் பெங்களூரு மற்றும் டெல்லி கேபிட்டல்ஸ் அணிகள் சின்னசுவாமி ஸ்டேடியத்தில் மோதின. இதில் டாஸ் வென்ற டெல்லி அணி முதலில் பந்துவீச்சை தேர்வு செய்தது.

இதன்படி முதலில் களமிறங்கிய பெங்களூரு அணியில் விராட் கோலி (50 ரன்கள்), லோம்ரோர்(26 ரன்கள்) மற்றும் கிளென் மேக்ஸ்வெல்(24 ரன்கள்) ஆகியோரின் அதிரடியால் 20 ஓவர்கள் முடிவில், 6 விக்கெட் இழப்புக்கு 174 ரன்கள் குவித்தது. டெல்லி அணி சார்பில் மிட்செல் மார்ஷ் மற்றும் குல்தீப் யாதவ் தலா 2 விக்கெட்களை வீழ்த்தினர்.

175 ரன்கள் வெற்றி இலக்குடன் களமிறங்கிய டெல்லி அணியில், அதிர்ச்சியாக தொடக்கத்திலேயே பெங்களூரு அணியின் பந்துவீச்சை தாக்குப்பிடிக்க முடியாமல், அடுத்தடுத்து விக்கெட்களை இழந்து தடுமாறினர். கேப்டன் வார்னர் 19 ரன்களில் ஆட்டமிழக்க, மனிஷ் பாண்டே மட்டும் நிதானமாக விளையாடி அரைசதம்(50 ரன்கள்) அடித்தார். அக்சர் பட்டேல் ஓரளவு நிலைத்து ஆடினாலும், 21 ரன்களில் ஆட்டமிழந்தார்.

இதனால் டெல்லி அணி, 20 ஓவர்களில் 151 ரன்கள் மட்டுமே அடிக்க, பெங்களூரு அணி 23 ரன்கள் வித்தியாசத்தில் அபார வெற்றி பெற்றுள்ளது. பெங்களூரு அணி சார்பில், விஜய்குமார் வைஷக் 3 விக்கெட்களும், சிராஜ் 2 விக்கெட்களும் வீழ்த்தினர்.