அனல் பறந்த பிட்டிங்..! கே.எல்.ராகுலை 14 கோடிக்கு எடுத்த டெல்லி அணி!

ஜெட்டா : ஐபிஎல் தொடருக்கான மெகா ஏலம் விறுவிறுப்பாக நடைபெற்று வரும் நிலையில், அதில் அனைவரின் கண்ணும் முக்கிய வீரர்களின் மேலே இருந்து வந்தது. அதன்படி, பார்க்கையில் ஷ்ரேயஸ் ஐயர் ரூ.26.75 கோடிக்கு பஞ்சாப் அணியும், பண்ட் ரூ.27 கோடிக்கு லக்னோ அணியும் முன்னதாக எடுத்திருந்தனர்.

இவர்களுக்கு அடுத்தபடியாக கே.எல்.ராகுல் மீது அதிக எதிர்பார்ப்பு என்பது இருந்தது. ஆனால், அவர் ஏலத்தில் வந்த போது தொடக்கத்தில் பெங்களூரு அணியும், டெல்லி அணியும் பயங்கரமாக மோதினர். இந்த ஏலம் தொடங்குவதற்கு முன்பே ராகுலை பெங்களூரு அணி எடுப்பார்கள் என்ற எதிர்பார்ப்பு இருந்தது.

ஆனால், 10 கோடிக்கு ராகுல் ஏலத்தில் வந்த போதே பெங்களூரு அணி போட்டியை கைவிட்டது. அதனை தொடர்ந்து, சென்னை அணி களத்தில் இறங்கியது. இது ரசிகர்களுக்கு ஆச்சர்யத்தை ஆழ்த்தியது. இருப்பினும், விடாமல் டெல்லி அணி ஏலத்தில் சண்டையிட்டனர்.

இறுதியில், கே.எல்.ராகுலை ரூ.14 கோடிக்கு டெல்லி கேபிட்டல்ஸ் அணி எடுத்துள்ளது. முன்னதாக வேக பந்து வீச்சாளர் மிட்சேல் ஸ்டார்க்கை ரூ.11.75 கோடிக்கு ஏலத்தில் எடுத்து குறிப்பிடத்தக்கது. இது வரை நடைபெற்ற ஏலத்தில் இரண்டு முக்கியமான வீரர்களை (ராகுல்&ஸ்டார்க்) டெல்லி அணி எடுத்து பிற அணிகளுக்கு சவாலாக அமைந்துள்ளனர்.