INDvENG : தொடரை வெல்லும் முனைப்பில் களமிறங்கும் இந்தியா!

மகாராஷ்டிரா : இந்திய மற்றும் இங்கிலாந்து அணிகளுக்கு இடையேயான ஐந்து போட்டிகள் கொண்ட டி20 தொடரில் ஏற்கனவே மூன்று போட்டிகள் நடந்து முடிந்த நிலையில், அதில் 2 போட்டிகளில் இந்திய அணியும், 1 போட்டியில் இங்கிலாந்து அணியும் வெற்றிபெற்றுள்ளது. மூன்றாவது போட்டியில் வெற்றிபெற்று இந்தியா தொடரை கைப்பற்றி விடும் என எதிர்பார்க்கப்பட்ட நிலையில், இங்கிலாந்து வெற்றிபெற்றுவிட்டது.

இந்த சூழலில், 4-வது போட்டியில் வெற்றிபெற்று தொடரை கைப்பற்ற வேண்டும் என்ற நோக்கத்தோடு இன்று களமிறங்குகிறது. இரு அணிகள் மோதும் இந்த போட்டி புனேவில் உள்ள மகாராஷ்டிரா கிரிக்கெட் சங்க மைதானத்தில் இந்திய நேரப்படி இரவு 7 மணிக்கு தொடங்குகிறது. இந்திய வீரர்கள் பயிற்சிகளையும் தொடங்கவிருக்கிறார்கள்.

அதைப்போல மற்றோரு பக்கம் இங்கிலாந்து அணியும் தங்களை இரண்டு முறை இந்த தொடரில் வீழ்த்திய இந்தியாவுக்கு ஏற்கனவே ஒரு போட்டியில் பதிலடி கொடுத்துள்ள நிலையில், இந்த போட்டியிலும் வெற்றிபெற்று பதிலடி கொடுக்கும் நோக்கத்தோடு விளையாடவுள்ளது. இந்த போட்டியில் ஒரு வேலை இங்கிலாந்து வெற்றிபெற்றுவிட்டது என்றால் அடுத்ததாக 5-வது போட்டியில் யார் வெற்றிபெறுகிறார்களோ அந்த அணி தான் தொடரில் வெற்றிபெறும். எனவே, இன்று நடைபெறும் போட்டி விறு விறுப்பாக இருக்கும்.

புனே வானிலை

புனேயில் இன்று (ஜனவரி 31) அதிகபட்ச வெப்பநிலை 33 டிகிரி முதல் குறைந்தபட்சம் 15 டிகிரி செல்சியஸ் வரை இருக்கும் என்று எதிர்பார்க்கப்படுகிறது. போட்டி மாலை ஏழு மணிக்கு தொடங்கும். போட்டியின் போது மழை பெய்ய வாய்ப்பில்லை என தெரிவிக்கப்பட்டுள்ளது.

இந்தியா ப்ளேயிங் லெவன்

அபிஷேக் சர்மா, சஞ்சு சாம்சன் , திலக் வர்மா,சூர்யகுமார் யாதவ் (கேப்டன்), ஹர்திக் பாண்டியா, ரின்கு சிங், நிதிஷ் குமார் ரெட்டி, அக்சர் படேல், ரவி பிஷ்னோய், அர்ஷ்தீப் சிங், வருண் சக்ரவர்த்தி ஆகியோர் உள்ளனர்.

இங்கிலாந்து ப்ளேயிங் லெவன்

ஜோஸ் பட்லர் (கேப்டன்), பென் டக்கெட், பிலிப் சால்ட , ஹாரி புரூக், லியாம் லிவிங்ஸ்டோன், ஜேக்கப் பெத்தேல், ஜேமி ஓவர்டன், கஸ் அட்கின்சன், ஜோஃப்ரா ஆர்ச்சர், அடில் ரஷித், மார்க் வுட் ஆகியோர் உள்ளனர்.