INDvENG : 3வது ஒருநாள் போட்டி… வானிலை நிலவரம், பிட்ச் ரிப்போர்ட்! இரு அணி வீரர்கள் விவரங்கள்!
இந்தியா மற்றும் இங்கிலாந்து அணிகளுக்கு இடையிலான மூன்று போட்டிகள் கொண்ட ODI தொடரின் மூன்றாவது போட்டி அகமதாபாத்தில் நடைபெறுகிறது.
அகமதாபாத் : இந்திய அணி சாம்பியன்ஸ் டிராபி தொடரில் விளையாடுவதற்கு முன்பு தற்போது இங்கிலாந்து அணிக்கு எதிரான ஒரு நாள் போட்டிகள் கொண்ட தொடரில் விளையாடி வருகிறது. இந்த போட்டி முடிந்த பிறகு சாம்பியன்ஸ் டிராபி தொடரில் விளையாட தயாராகவுள்ளது.
அந்த வகையில், இந்தியா மற்றும் இங்கிலாந்து அணிகளுக்கு இடையேயான மூன்று போட்டிகள் கொண்ட ஒருநாள் தொடரின் மூன்றாவது மற்றும் இறுதிப் போட்டி நாளை (பிப்.12) அகமதாபாத்தில் உள்ள நரேந்திர மோடி மைதானத்தில் நடைபெறுகிறது.
நாளை பிற்பகல் 1.30 மணி அளவில் ரோஹித் சர்மா தலைமையிலான இந்திய அணி, அகமதாபாத்தில் உள்ள நரேந்திர மோடி கிரிக்கெட் ஸ்டேடியத்தில் நடைபெறும் மூன்று போட்டிகள் கொண்ட ஒருநாள் தொடரின் கடைசி ஆட்டத்தில் இங்கிலாந்தின் ஜோஸ் பட்லரை எதிர்கொள்கிறது.
முதல் இரண்டு ஒருநாள் போட்டிகளில் ஒவ்வொன்றிலும் ஒரே மாதிரியான நான்கு விக்கெட் வெற்றிகளுடன் இந்தியா 2-0 என்ற கணக்கில் முன்னிலை பெற்று தொடரை கைப்பற்றியுள்ளது. நாளைய மூன்றாவது போட்டியில் ஒருபுறம், இந்திய அணி முழுமையான வெற்றிக்கு தயாராக உள்ளது. மறுபுறம், இங்கிலாந்து அணி தொடரை வெற்றியுடன் முடிக்க முயற்சிக்கும்.
நாளை போட்டியில் எதிர்பார்க்கப்படும் இரு அணி வீரர்களின் தற்காலிக பட்டியல் இதோ…
இந்திய அணி
கேப்டன் ரோஹித் சர்மா தலைமையிலான அணியில், ஷுப்மான் கில், விராட் கோலி, ஷ்ரேயாஸ் ஐயர், கே.எல். ராகுல், ஹர்திக் பாண்டியா, அக்சர் படேல், வாஷிங்டன் சுந்தர் , குல்தீப் யாதவ், ஹர்ஷித் ராணா, ஜஸ்பிரித் பும்ரா , முகமது ஷமி , அர்ஷ்தீப் சிங், யஷஸ்வி ஜேஸ்வால் , ரஜஸ்வி ஜேஸ்வால் ஆகியோர் இடம்பெற்றுள்ளனர்.
இங்கிலாந்து அணி
கேப்டன் ஜோஸ் பட்லர் தலைமையிலான அணியில், ஹாரி புரூக், பென் டக்கெட், ஜோ ரூட், ஜேக்கப் பெத்தேல், லியாம் லிவிங்ஸ்டோன், பிரைடன் கார்ஸ், ஜேமி ஓவர்டன், ஜேமி ஸ்மித், பிலிப் சால்ட், ஜோஃப்ரா ஆர்ச்சர், கஸ் அட்கின்சன், அடில் ரஷீத், சாகிப் மஹ்மூத், மார்க் வுட் ஆகியோர் இடம்பெற்றுள்ளனர்.
வானிலை நிலவரம்
வானிலை முன்னறிவிப்புகளின்படி, நாளை (பிப்ரவரி 12) அகமதாபாத்தில் உள்ள நரேந்திர மோடி ஸ்டேடியத்தில் நடைபெறும் இந்தியா vs இங்கிலாந்து 3வது ஒருநாள் போட்டியின்போது, வானம் மேகமூட்டத்துடன் காணப்படும் என்றும் மழை பெய்ய வாய்ப்பில்லை என்றும் எதிர்பார்க்கப்படுகிறது. அதிகபட்ச வெப்பநிலை சுமார் 31 டிகிரி செல்சியஸாக இருக்கும் என்றும், குறைந்தபட்ச வெப்பநிலை மாலையில் 15 டிகிரியாகக் குறையக்கூடும் என்றும் கணிக்கப்பட்டுள்ளது.
பிட்ச் ரிப்போர்ட்
நரேந்திர மோடி ஸ்டேடியம், பேட்ஸ்மேன்கள் மற்றும் பவுலர்கள் இருவருக்கும் உதவும் ஒரு சமநிலையான பிட்சை வழங்குவதற்கு பெயர் பெற்றது. துவக்க ஓவர்களில் வேகப்பந்து வீச்சாளர்களுக்கு சாதகமாக இருக்கும். ஆட்டம் முன்னேறும்போது, பிட்ச் நிலையாகி, பேட்டிங்கை எளிதாக்குகிறது. குறிப்பாக, நரேந்திர மோடி ஸ்டேடியத்தில் உள்ள பிட்ச் பேட்டிங்கிற்கு நல்லதாக இருக்கும் என்று எதிர்பார்க்கப்படுகிறது. ஆரம்பத்தில் வேகப்பந்து வீச்சாளர்களுக்கு ஓரளவு உதவியாக இருக்கும்.
