லெஜெண்ட் கிரிக்கெட் : இறுதி போட்டியில் இந்தியா-பாகிஸ்தான் ..! இன்று பலப்பரீட்சை ..!

லெஜெண்ட் கிரிக்கெட் : இன்று நடைபெறவிருக்கும் லெஜெண்ட் கிரிக்கெட் தொடரின் இறுதி போட்டியில் இந்தியா மற்றும் பாகிஸ்தான் அணி விளையாடவுள்ளது.

சர்வதேச கிரிக்கெட் போட்டிகளிலிருந்து ஓய்வு பெற்ற வீரர்களுக்காக நடத்தப்படும் 20 ஓவர் கிரிக்கெட் தொடர் தான் லெஜெண்ட் கிரிக்கெட். இந்த தொடரில் இந்தியா, பாகிஸ்தான், ஆஸ்திரேலியா, வெஸ்ட் இண்டீஸ், தென்னாபிரிக்கா மற்றும் இங்கிலாந்து என 6 லெஜெண்ட் கிரிக்கெட் அணிகள் இந்த தொடரில் பங்கேற்று விளையாடினார்கள். இந்த தொடரில் ஒவ்வொரு அணியும் ஒரு முறை மற்ற அணிகளுடன் விளையாட வேண்டும்.

இறுதியில், புள்ளிப்பட்டியலில் முதல் 4 இடத்தில் இருக்கும் அணி, அடுத்த சுற்றான அரை இறுதி சுற்றுக்கு தகுதி பெறுவார்கள். கடந்த ஜூலை-3 ம் தேதி தொடங்கிய இந்த தொடரில் ஆஸ்திரேலியா, பாகிஸ்தான், வெஸ்ட் இண்டீஸ் மற்றும் இந்தியா என 4 அணிகளும் அரை இறுதிக்கு தகுதி பெற்றது. இந்நிலையில், நேற்று 2 அரை இறுதி போட்டிகள் நடைபெற்றது. அதில் முதல் அரை இறுதி போட்டியில் வெஸ்ட் இண்டீஸ் மற்றும் பாகிஸ்தான் அணிகள் மோதியது.

அதன்பின் இரண்டாம் அரை இறுதி போட்டியில் இந்தியா லெஜெண்ட்ஸ் மற்றும் ஆஸ்திரேலியா லெஜெண்ட்ஸ் மோதியது. இந்த 2 போட்டிகளில் பாகிஸ்தான் அணி வெஸ்ட் இண்டீஸ் அணியை 20 ரன்கள் வித்தியாசத்தில் வீழ்த்தி இறுதி போட்டிக்கு தகுதி பெற்றது. அதே போல 2-ஆம் அரை இறுதி போட்டியில் இந்தியா லெஜெண்ட்ஸ் அணி, ஆஸ்திரேலிய லெஜெண்ட்ஸ் அணியை 86 ரன்கள் வித்தியாசத்தில் வீழ்த்தி இறுதி போட்டிக்கு தகுதி பெற்றுள்ளது.

தற்போது, இன்று நடைபெற இருக்கும் இந்த லெஜெண்ட்ஸ் கிரிக்கெட் டி20 தொடரின் இறுதி போட்டியில் யுவராஜ் சிங் தலைமையிலான இந்தியா லெஜெண்ட்ஸ் அணியும், யோனிஸ் கான் தலைமையிலான பாகிஸ்தான் லெஜெண்ட்ஸ் அணியும் மோதுகிறது. ஏற்கனவே இந்த தொடரின் லீக் போட்டியில் பாகிஸ்தான் அணி இந்திய அணியை 68 ரன்கள் வித்தியாசத்தில் வீழ்த்தி அபார வெற்றியை பெற்றிருந்தது குறிப்பிடத்தக்கது.

இதனால், இன்று நடைபெறும் இந்த இறுதி போட்டியில் பாகிஸ்தான் அணியின் வெற்றி கணிப்பு அதிகரித்துள்ளது. இதனை இந்தியா லெஜெண்ட்ஸ் அணியினர் துவம்சம் செய்து கோப்பையை வெல்வர்களா என்பதை பார்க்கலாம்.

எதிர்ப்பார்க்கப்படும் 1 1 வீரர்கள் :

இந்தியா லெஜெண்ட்ஸ் அணி :

ராபின் உத்தப்பா (விக்கெட் கீப்பர்), அம்பதி ராயுடு, சுரேஷ் ரெய்னா, யுவராஜ் சிங் (கேப்டன்), யூசுப் பதான், இர்பான் பதான், குர்கீரத் சிங் மான், பவன் நேகி, வினய் குமார், ஹர்பஜன் சிங், தவால் குல்கர்னி, ராகுல் சுக்லா, ஆர்.பி. நமன் ஓஜா, சவுரப் திவாரி, அனுரீத் சிங், ராகுல் சர்மா.

பாகிஸ்தான் லெஜெண்ட்ஸ் அணி :

கம்ரான் அக்மல் (விக்கெட் கீப்பர்), ஷர்ஜீல் கான், சொஹைப் மக்சூத், ஷோயிப் மாலிக், யூனிஸ் கான் (கேப்டன்), ஷாஹித் அப்ரிடி, மிஸ்பா-உல்-ஹக், அமீர் யாமின், சொஹைல் தன்வீர், வஹாப் ரியாஸ், சொஹைல் கான், அப்துல் ரசாக், தௌஃபீக் உமர், முகமது ஹபீஸ், யாசிர் அராபத், சயீத் அஜ்மல், உமர் அக்மல், தன்வீர் அகமது.