பாக்சிங்டே டெஸ்ட்: இந்தியாவுக்கு வெற்றி வாய்ப்பு…!
பாக்சிங்டே டெஸ்ட் கிரிக்கெட்டில் ஆஸ்திரேலியா 9 விக்கெட் இழப்பிற்கு 261 ரன்கள் எடுத்து திணறி வருகின்றது.
இந்தியா – ஆஸ்திரேலியா அணிகள் இடையிலான 3வது டெஸ்ட் கிரிக்கெட் போட்டி மெல்போர்னில் நடந்து வருகிறது. இந்திய அணி முதல் இன்னிங்சில் 7 விக்கெட்டுக்கு 443 ரன்கள் குவித்தது. பின்னர் தனது முதல் இன்னிங்சை ஆடிய ஆஸ்திரேலியா 151 ரன்களுக்கு சுருண்டது. 292 ரன்கள் முன்னிலையுடன் 2-வது இன்னிங்சை விளையாடிய இந்தியா அணி, 8 விக்கெட் இழப்பிற்கு 106 ரன்கள் எடுத்த நிலையில் ஆட்டத்தை டிக்ளேர் செய்தது.
இதனைதொடர்ந்து, 399 ரன்கள் இலக்குடன் ஆஸ்திரேலியா அணி 2வது இன்னிங்சை விளையாடி வருகிறது. ஃபின்ச் 3 ரன்களுக்கும், மார்கஸ் ஹாரிஸ் 13 ரன்களுக்கும் ஆட்டம் இழந்தனர். தொடர்ந்து, உஸ்மான் கவஜா, ஷான் மார்ஷ், டிரவிஸ் ஹெட் ஆகியோர் சொற்ப ரன்னில் ஆட்டமிழந்தனர். தற்போது 9 விக்கெட் இழப்பிற்கு, 261 ரன்களுடன் ஆஸ்திரேலியா அணி விளையாடி வருகிறது.
