இந்திய அணி பேட்டிங்!தினேஷ் கார்த்திக்,ராகுல்,உமேஷ் யாதவ் அதிரடியாக வெளியேற்றம்!

அயர்லாந்துடன் இந்திய அணி இரண்டு 20 ஓவர் போட்டிகளில் பங்கேற்கிறது.

இதன்படி இந்தியா-அயர்லாந்து மோதும் முதலாவது 20 ஓவர் போட்டி டப்ளின் நகரில் இன்று (புதன்கிழமை) நடக்கிறது. இந்த தொடர் முக்கியத்துவம் வாய்ந்தது இல்லை என்றாலும், அடுத்து வரும் பலம் வாய்ந்த இங்கிலாந்தை எதிர்கொள்வதற்குரிய ஒரு நம்பிக்கையை அளிக்கும். மறுபிரவேசம் செய்துள்ள சுரேஷ் ரெய்னாவின் ஆட்டம் எதிர்பார்ப்பை ஏற்படுத்தி உள்ளது.

இதில் இந்திய அணிக்கு எதிரான முதல் டி20 போட்டியில் டாஸ் வென்று ஐயர்லாந்து அணி பந்துவீச்சை தேர்வு செய்தது.

போட்டிக்கான இரு அணி வீரர்கள் விவரம் வருமாறு:-

இந்தியா: விராட் கோலி (கேப்டன்), ஷிகர் தவான், ரோகித் சர்மா, டோனி,மனிஷ் பாண்டே, சுரேஷ் ரெய்னா, பும்ரா, யுஸ்வேந்திர சாஹல், குல்தீப் யாதவ், ஹர்திக் பாண்ட்யா, புவனேஷ்வர்குமார் ஆகியோர் இந்திய அணியில் இடம் பெற்றுள்ளனர்.

அயர்லாந்து: கேரி வில்சன் (கேப்டன்), பால்பிர்னி, பீட்டர் சாஸ், ஜார்ஜ் டாக்ரெல்,   கெவின் ஓ பிரையன்,  ஸ்டூவர்ட் பாய்ன்டிர், பாய்ட் ராங்கின்,  சிமி சிங், பால் ஸ்டிர்லிங், ஸ்டூவர்ட் தாம்சன்,ஜாஸ் ஆகியோர் இடம்பெற்றுள்ளனர்.

இந்திய நேரப்படி இரவு 8.30 மணிக்கு தொடங்கும் இந்த ஆட்டத்தை சோனி சிக்ஸ் சேனல் நேரடி ஒளிபரப்பு செய்கிறது.