IND vs SA : இன்று 3-வது போட்டி! வெற்றி வியூகம் முதல்.. கணிக்கப்படும் அணி வரை!

செஞ்சுரியன் : இந்தியா அணி தென்னாபிரிக்காவில் மேற்கொண்டு வரும் சுற்றுப் பயணத்தின் டி20 தொடரானது விறுவிறுப்பாக நடைபெற்று வருகிறது. அதன் 3 வது டி20 போட்டியானது இன்று செஞ்சுரியனில் உள்ள சூப்பர்ஸ்போர்ட்ஸ் மைதானத்தில் நடைபெறவுள்ளது.

தொடரின் நிலைப்பாடு :

கடந்த 2 போட்டிகளில் ஆளுக்கு ஒரு போட்டிகளைக் கைப்பற்றி 1-1 என இரு அணிகளும் சமநிலையில் இருந்து வருகின்றனர். இந்த டி20 தொடரில் 4 போட்டிகள் இருப்பதால், இந்தப் போட்டியை கண்டிப்பாக இரு அணிகளும் வென்றே ஆக வேண்டும் என்ற கட்டாயத்தில் இருந்து வருகின்றனர்.

இதனால், இன்றையப் போட்டி மிகவும் விறுவிறுப்பாக அமையும் என எதிர்பார்க்கப்படுகிறது. மேலும், கடந்த போட்டியில் இந்திய அணி செய்த தவறை இந்த போட்டியில் திருத்தி விளையாடவுள்ளதாக கேப்டன் சூரியகுமார் யாதவ் தெரிவித்திருந்தார்.

வெற்றி வியூகம் :

இந்தியா அணி கடந்த போட்டியில் தோல்வியடைந்ததற்கு காரணமே பேட்டிங்கில் சொதப்பியது தான். அதிலும், அபிஷேக் சர்மா கடந்த இரண்டு போட்டிகளில் விளையாடவில்லை. மேலும், முன்னதாக நடைபெற்ற இலங்கை அணியுடனான தொடரிலும் அவர் சரிவர விளையாடவில்லை. இதனால், அவருக்கு பதிலாக ஜிதேஷ் சர்மாவை ஒரு முறை விளையாட வைக்கலாம் என ரசிகர்கள் கூறி வருகின்றனர்.

மேலும், ரிங்கு சிங், ஹர்திக் பாண்டியா போன்ற கடைசியாக பேட்டிங் இறங்கும் வீரர்களும் பெரிதளவு இந்த தொடரில் தாக்கத்தை ஏற்படுத்தவில்லை. இதனால், இருவரும் முக்கிய வீரர்கள் என்பதால் பொறுப்பெடுத்து விளையாடினால் இந்திய அணி கடுமையான போட்டியைத் தென்னாப்பிரிக்காவுக்கு கொடுக்கலாம் எனவும் கருதப்படுகிறது.

மேற்படி, பந்து வீச்சில் வருண் சக்ரவர்த்தி, ரவி பிஷ்நோய் என சுழலில் படுபயங்கரமான அணியாக இந்திய அணி இருக்கிறது. ஆனாலும், வேக பந்து வீச்சில் இந்திய அணி ஒரு தடுமாற்றத்தை சந்தித்து வருகிறது. இதனால், இன்றயைப் போட்டியில் வேறு திட்டத்தைக் கையாள வேண்டும் என்பதில் இந்திய அணி இருந்து வருகிறது.

எதிர்பார்க்கப்படும் வீரர்கள் :

தென்னாப்பிரிக்கா வீரர்கள் :

ரியான் ரிக்கெல்டன், ஐடன் மார்க்ரம் (கேப்டன்), டிரிஸ்டன் ஸ்டப்ஸ், ஹென்ரிச் கிளாசென் (விக்கெட் கீப்பர்), டேவிட் மில்லர், பேட்ரிக் க்ரூகர், மார்கோ ஜான்சன், அண்டில் சிமெலேன், ஜெரால்ட் கோட்ஸி, கேசவ் மகாராஜ், நகாபயோம்சி பீட்டர்

இந்தியா வீரர்கள் :

அபிஷேக் சர்மா, சஞ்சு சாம்சன் (விக்கெட் கீப்பர்), சூர்யகுமார் யாதவ் (கேப்டன்), திலக் வர்மா, ஹர்திக் பாண்டியா, ரிங்கு சிங், அக்சர் படேல், ரவி பிஷ்னோய், வருண் சக்கரவர்த்தி, அர்ஷ்தீப் சிங், அவேஷ் கான்