தோனி என்னை அழைத்தால் கண்ணை மூடிக்கொண்டு பந்து வீசுவேன்!!கேதார் ஜாதவ்

தோனி  அழைத்தால் கண்ணை மூடிக்கொண்டு பந்து வீசுவேன் என்று இந்திய வீரர் கேதார் ஜாதவ் தெரிவித்துள்ளார்.

இந்தியா மற்றும் நியூசிலாந்து அணிகளுக்கு இடையிலான  5 போட்டிகள் கொண்ட ஒருநாள் தொடரில் இரண்டாவது போட்டி நேற்று  நடைபெற்றது. இந்தப் போட்டியில் முதலில் பேட்டிங் செய்த இந்திய அணி 324 ரன்கள் அடித்தது.

இதன் பின்னர் ஆடிய நியூசிலாந்து அணி ஆட்டத்தை 234 ரன்களுடன் 10 விக்கெட்டை இழந்து முடித்துக்கொண்டது.இதன்மூலம் 90 ரன்கள் வித்தியாசத்தில் இந்தியா வெற்றி பெற்றது.

இதன் மூலம் 5 போட்டிகள் கொண்ட ஒருநாள் தொடரில் முதல் இரண்டு போட்டிகளில் வெற்றி பெற்று 2-0 என்ற கணக்கில் முன்னிலையில் உள்ளது   இந்திய அணி.

வெற்றிக்கு பின்னர் இந்திய அணி வீரர் கேதார் ஜாதவ் கூறுகையில், தோனியுடன் 2வது ஒருநாள் போட்டியில்  இணைந்து விளையாடியது மகிழ்ச்சி. அவருடன் நான் இணைந்து விளையாடும்போது எப்போதும் என்னை தோனி அவர் உற்சாகப் படுத்திக் கொண்டே இருப்பார். தோனி  அழைத்தால் கண்ணை மூடிக்கொண்டு பந்து வீசுவேன். விக்கெட்டையும் கொண்டுவருவேன் என்று கேதார் ஜாதவ் தெரிவித்துள்ளார்.