டெல்லிக்கு எதிரான இன்றைய போட்டியில் 88 ரன்கள் வித்தியாசத்தில் அபார வெற்றி பெற்ற ஹைதராபாத் அணி.
நடப்பாண்டு ஐபிஎல் தொடரில் இன்று நடைபெற்ற 47 ஆம் போட்டியில் டாஸ் வென்ற டெல்லி கேபிட்டல்ஸ் அணி, பந்துவீச்சை தேர்வு செய்தது. ஹைதராபாத் அணியின் தொடக்க ஆட்டக்காரர்களாக டேவிட் வார்னர் – விருத்திமன் சஹா களமிறங்கினார்கள்.
தொடக்கம் முதலே அதிரடியாக விளையாடிய டேவிட் வார்னர் 34 பந்துகளில் 66 ரன்கள் அடித்து ஆட்டமிழந்தார். இவரைத்தொடர்ந்து அதிரடியாக விளையாடி வந்த சஹா 45 பந்துகளில் 87 ரன்கள் எடுத்து வெளியேறினார். இறுதியாக மனிஷ் பாண்டே 44 ரன்கள் அடித்து, 20 ஓவர் முடிவில் ஹைதராபாத் 2 விக்கெட்களை இழந்து, 219 ரன்களை டெல்லிக்கு இலக்காக நிர்ணயித்தது. பந்துவீச்சை பொறுத்தளவில் டெல்லி அணி சார்பாக நோர்ட்ஜ் மற்றும் அஸ்வின் தலா 1 விக்கெட்டை வீழ்த்தினார்கள்.
இதனைத்தொடர்ந்து களமிறங்கிய டெல்லி அணியின் தொடக்க வீரரர்களான அஜின்கியா ரஹானே மற்றும் ஷிகர் தவான் சொற்ப ரன்களில் ஆட்டமிழந்தனர். இவர்களை தொடர்ந்து களமிறங்கிய டெல்லி அணி வீரர்கள் பெரிய ரன்களை அடிக்காமல் தடுமாற்றத்தை கண்டு விக்கெட்டுகளை பறிகொடுத்தனர். இறுதியாக ஹைதராபாத் அணியின் பந்துவீச்சை சமாளிக்க முடியாமல் டெல்லி 19 ஓவர் முடிவில் 131 ரன்களுக்கு 10 விக்கெட்டுகளை இழந்து, 88 ரன்கள் வித்தியாசத்தில் ஹைதராபாத் அணி அபார வெற்றி பெற்றது.
ஹைதராபாத் அணி பந்துவீச்சை பொறுத்தளவில் ரஷீத் கான் 3, சந்தீப் சர்மா மற்றும் நடராஜன் தலா 2 விக்கெட்டுகளை வீழ்த்தியுள்ளனர். மேலும், டெல்லி அணி சார்பாக ரிஷாப் பந்த் அதிகபட்சமாக 35 பந்துகளில் 36 ரன்களும், அஜின்கியா ரஹானே 19 பந்துகளில் 26 ரன்களும் அடித்தனர் என்பது குறிப்பிடத்தக்கது.
சென்னை : டி.ஜி.ஞானவேல் இயக்கத்தில் ரஜினிகாந்த் நடித்து திரைக்குவர இருக்கும் வேட்டையன் திரைப்படத்தின் டீசர் (Prevue) தற்போது யூட்யூபில் வெளியாகி…
சென்னை : இயக்குநர் சுகுமார் இயக்கத்தில், மைத்ரி மூவி மேக்கர்ஸ் தயாரிப்பில் உருவான 'புஷ்பா' முதல் படத்தின் மாபெரும் வெற்றியைத்…
சென்னை : GOAT படம் பெரிய எதிர்பார்ப்புகளுக்கு மத்தியில் கடந்த செப்டம்பர் 05-ஆம் தேதி திரையரங்குகளில் வெளியானது. படம் மக்களுக்கு…
சென்னை -திருப்பதி ஏழுமலையான் கோவிலில் லட்டு பிரசாதமாக வழங்கப்படுவது மூன்று நூற்றாண்டுகளையும் கடந்து தொடர்கிறது. கற்கண்டு சுவையோடு நெய் வாசம்…
சென்னை : நடைபெற்று வரும் முதல் டெஸ்ட் போட்டியின் இரண்டாம் நாள் ஆட்டமானது இன்று தொடங்கியது. நேற்று சிறப்பாக விளையாடி சதம்…
சென்னை : திருப்பதி ஏழுமலையான் கோயிலில் பிரசாதமாக வழங்கப்படும் லட்டில் , மீன் எண்ணெய், விலங்கின் கொழுப்பு ஆகியவை கலந்துள்ளதாக…