தோனிக்கு பிறகு சிஎஸ்கே அணிக்கு இவர்தான் சிறந்த வாரிசு; சேவாக் கருத்து.!

தோனிக்கு பிறகு சிஎஸ்கே அணியை வழிநடத்துவதில் ருதுராஜ் தான் சிறந்த வீரர் என முன்னாள் வீரர் சேவாக் கூறியுள்ளார்.

16-வது ஐபிஎல் தொடர் தொடங்கி நடைபெற்று வருகிறது. இதில் சென்னை சூப்பர் கிங்ஸ் அணியின் கேப்டன் தோனிக்கு பிறகு, அந்த அணியை வழிநடத்துவதில் இளம்வீரரான ருதுராஜ் கெய்க்வாட் சிறந்த வாரிசு என முன்னாள் இந்திய அதிரடி ஆட்டக்காரர் வீரேந்திர சேவாக் கருத்து தெரிவித்துள்ளார்.

இந்தாண்டு ஐபிஎல் தொடரின் அறிமுக போட்டியில் சிஎஸ்கே மற்றும் நடப்பு சாம்பியன் குஜராத் டைட்டன்ஸ் அணிகள் மோதிய போட்டியில் 26 வயதான ருதுராஜ், தொடக்கம் முதல் இருந்தே அதிரடி ஆட்டத்தை வெளிப்படுத்தி அணியின் ஸ்கோரை உயர்த்தினார். அதிரடியாக விளையாடிய ருதுராஜ், 8 ரன்களில் சதமடிக்கும் வாய்ப்பை நழுவவிட்டார்.

அவர் 50 பந்துகளில் 9 சிக்ஸர்கள், 4 போர்கள் என 92 ரன்கள் விளாசினார். இந்நிலையில் இந்திய அணியின் முன்னாள் அதிரடி ஆட்டக்காரர் வீரேந்திர சேவாக், 26 வயதான ருதுராஜ் கெய்க்வாட், சிஎஸ்கேயின் கேப்டன் பதவிக்கு எம்எஸ் தோனியின் “சிறந்த வாரிசு” என்று குறிப்பிட்டுள்ளார்.

தற்போதுவரை இந்தியாவிற்கு விளையாடும் வாய்ப்பு ருதுராஜுக்கு அதிகமாக கிடைக்கவில்லை எனவும், இந்த ஐபிஎல் தொடர் அவருக்கு சிறப்பாக அமைந்தால் இந்திய அணியில் ருதுராஜ் விளையாடும் வாய்ப்பு நிச்சயம் கிடைக்கும் எனவும் சேவாக் கூறினார்.